SENSU (新城市廣場三期) (已結業)

Sensu 算係我飯堂之一，今日就一行4人嚟左食晚餐，最近呢2個月冇嚟到，原來佢既晚市套餐加入左自助沙律甜品吧，啲菜都幾新鮮又有唔同汁揀，仲有生果同甜品都係自助任食，真係唔錯。是日餐湯今日係南瓜湯，一貫水準，香甜順滑。招牌小食拼盤有薯條、雞咁，脆口開胃。北京填鴨風印度薄餅鴨好味，薄餅亦香，兩者配合都幾新奇。炭燒原條魷魚配松露薯蓉入口非常之甘香，魷魚唔會過熟，而且淡淡一層炭燒風味真的不錯，松露薯蓉就略嫌松露味唔夠濃，但薯蓉十分之滑。烤BB乳豬仔配燒菠蘿椰菜加左錢食BB豬，烤得香脆入味，唔會乾爭爭。椰菜亦都醃得入味，解油解膩。和風牛肉旋風蛋包飯（掛住食冇影）絕對稱得上招牌菜，每次我都會食，個蛋蛋香味濃，而且十分之滑唔會過老。和風牛肉十分入味，兩者配合好好送飯。仲有點左杯咖啡，十分香濃，作為一餐既總結非常舒適。