影片
更多
2017-10-21
2655 瀏覽
今日公司有人生日，生日個位同事好鍾意食榴櫣，提議食依個有榴槤甜品嘅buffet，其實我都想試依間好耐，今次同事生日就促成咗我依個想試又嫌貴嘅心願。首先酒店buffet，環境當然好，而且座位跟座位之間嘅空位都夠，雖然滿座，但都唔會令你有擠逼嘅感覺。最吸引就當然係海鮮區啦！我嘅主要目標就係長腳蟹同龍蝦仔，其實係比較少lunch buffet都有依兩個選擇。依度嘅老火湯都係出名足料，今日飲到嘅係椰子雞湯，真係冇味精，又清甜，不過唔記得咗影相之後就攻沙律，佢沙律嘅選擇都好多，菜好新鮮，而醬汁嘅選擇亦都好多，三文魚仲有卷得靚靚咁俾你攞。 另外個豬手真係好好味，唔會太咸，皮脆得黎又保留到肉質嫩滑。之後到咗主角一次過拎咗咁多，比較失望嘅係龍蝦仔，肉唔多，而且難開殻，所以之後冇再添食。但蝦同長腳蟹真係鮮美。長腳蟹咸度適中，保留到海水味，好新鮮。而蝦就肉質非常彈牙，有蝦嘅鮮甜味！ 所以其實長腳蟹同蝦我都再添食多一碟😂 (同事都問我有冇咁餓？)至於其他熟食，海南雞飯都係評價幾好，而且細細碟，可以多啲quota食其他野，雞好滑，只不過油咗少少，但味道係好嘅。另外有區係食咖哩個類嘅印度野，我覺得佢味道唔正宗，
首先酒店buffet，環境當然好，而且座位跟座位之間嘅空位都夠，雖然滿座，但都唔會令你有擠逼嘅感覺。
最吸引就當然係海鮮區啦！我嘅主要目標就係長腳蟹同龍蝦仔，其實係比較少lunch buffet都有依兩個選擇。
依度嘅老火湯都係出名足料，今日飲到嘅係椰子雞湯，真係冇味精，又清甜，不過唔記得咗影相
之後就攻沙律，佢沙律嘅選擇都好多，菜好新鮮，而醬汁嘅選擇亦都好多，三文魚仲有卷得靚靚咁俾你攞。
另外個豬手真係好好味，唔會太咸，皮脆得黎又保留到肉質嫩滑。
之後到咗主角
一次過拎咗咁多，比較失望嘅係龍蝦仔，肉唔多，而且難開殻，所以之後冇再添食。但蝦同長腳蟹真係鮮美。長腳蟹咸度適中，保留到海水味，好新鮮。而蝦就肉質非常彈牙，有蝦嘅鮮甜味！ 所以其實長腳蟹同蝦我都再添食多一碟😂 (同事都問我有冇咁餓？)
至於其他熟食，海南雞飯都係評價幾好，而且細細碟，可以多啲quota食其他野，雞好滑，只不過油咗少少，但味道係好嘅。
另外有區係食咖哩個類嘅印度野，我覺得佢味道唔正宗，可以香料味再勁啲，薄餅都太硬。 比較失望。同埋佢嘅喇沙麵都係比較出名，不過我就覺得一般，味道不夠濃，而且米線偏硬。不過同海南雞飯一樣係用迷你碗放，份量好少，所以都可以試吓嘅。
但佢新加坡區嘅蘿蔔糕就比較有趣，下面個好似蛋餅嘅東西其實係蘿蔔糕黎，入面有蘿蔔糕絲，而且比我哋新年食嘅蘿蔔糕咸，但都幾好味。 另外豬頸肉都不錯👍🏻可以一試。
甜品方面，榴槤嘅甜品好多，不過我唔太好榴槤，所以都係食其他甜品，甜品都好味，但講唔出有邊樣特別好味。不過所有甜品都做得好精緻。
整體黎講，比起其他buffet，依度嘅lunch buffet係比較多特別嘅野食，同埋比較多新加坡菜式，而甜品嘅賣相都係水準之上，賣相亦都好靚，所以都滿意嘅。
不過如果唔係特別鍾意食海鮮或者榴槤的話就可以放棄，因為都幾貴，而且其他熟食唔算特別好味。
不過依度真係好難book嫁，要早一個月book，仲要幾日內俾訂，所以要食就早啲book啦
張貼
