亞萊嘜嘜 (已結業)

過去2年幾平均每星期最少幫襯一次，都算係熟客，一向都認為食物品質好，所以keep住幫襯，早前佢地有一個promotion, 消費滿500可以於下次當50用，我喺個promotion完結當日剛剛又去買滿500，咁道理上我下次再去時，係可以當50用，當我下次去話要用時，佢地話個promotion已經完咗，唔可以用，我同佢地理論講道理，佢地就話條款已經列明佢地有最終決定權，我平時好少會咁嬲，但我真係十分不滿佢地的態度，最後佢地竟然仲可以話今次係特別做俾你，多謝晒喎，不過唔需要啦！食物品質固然重要，但餐廳的服務態度及政策都同樣要以客為先，否則只會趕走熟客，而家元朗咁多餐廳選擇，唔幫襯你我一樣可以揾到好味，高質又高CP值的泰國餐廳。