影片
更多
2017-11-14
550 瀏覽
諗住慶祝生日食餐好，留個美好回憶，點知好失望囉。一早訂左枱，我先到所以攞位先，入到去，一個西裝男人同另一男侍應係門口reception唔知攪緊咩，我同其他等入座既客人係度等佢哋，兩位男士講完嘢約5/6分鐘，先望下我哋呢啲客。問我有無訂位，有，但係又搵唔到我個名，跟住就安排枱俾我哋，我見另外一邊卡位梳化舒服啲，問男侍應可唔可以坐果邊，佢話有人訂左，但係直至我哋走，果排window side 卡位sofa都係無人坐。先食個炸雞同海鮮籃，好味道，尤其個醬，比一般Mayonnaise仲好味。炸豬手又係另一好味之選，脆卜卜既外皮加入晒味既豬手肉，配佢哋特色cocktail， Sangrila，perfect!海鮮飯實在鹹到食唔到，同男侍應講，佢好冷淡咁講“我同廚房反映下”，當然，佢有無講我唔知，但係佢無諗下其他alternatives俾我哋。海鮮盤，有少少湯煮，又係勁鹹，今次我哋無出聲，食唔晒放底就算。當然，無人問我哋how's the food 啦。個男侍應收碟個時啲汁滴到我條裙，收另一個又滴到見衫，但係個侍應又係無反應，遞張紙巾都無最後甜品食個蘋果批，好好味，蘋果香甜，批底crispy。總算
一早訂左枱，我先到所以攞位先，入到去，一個西裝男人同另一男侍應係門口reception唔知攪緊咩，我同其他等入座既客人係度等佢哋，兩位男士講完嘢約5/6分鐘，先望下我哋呢啲客。問我有無訂位，有，但係又搵唔到我個名，跟住就安排枱俾我哋，我見另外一邊卡位梳化舒服啲，問男侍應可唔可以坐果邊，佢話有人訂左，但係直至我哋走，果排window side 卡位sofa都係無人坐。
先食個炸雞同海鮮籃，好味道，尤其個醬，比一般Mayonnaise仲好味。
炸豬手又係另一好味之選，脆卜卜既外皮加入晒味既豬手肉，配佢哋特色cocktail， Sangrila，perfect!
海鮮飯實在鹹到食唔到，同男侍應講，佢好冷淡咁講“我同廚房反映下”，當然，佢有無講我唔知，但係佢無諗下其他alternatives俾我哋。
海鮮盤，有少少湯煮，又係勁鹹，今次我哋無出聲，食唔晒放底就算。當然，無人問我哋how's the food 啦。
個男侍應收碟個時啲汁滴到我條裙，收另一個又滴到見衫，但係個侍應又係無反應，遞張紙巾都無
最後甜品食個蘋果批，好好味，蘋果香甜，批底crispy。總算最後甜番下。
個人認為呢個用餐價錢，實在得唔到呢個級數既服務。
張貼
