尖沙咀凱悅酒店咖啡廳

昨日20號係爹哋生日嘅大日子，本來我們一家四口約好咗去「尖沙咀凱悅酒店咖啡廳」食自助晚餐！但由於Oppa喺觀塘繞道嚟嗰陣遇到運魚車翻側意外，出嚟尖沙咀嘅方向塞死晒，塞咗幾個鐘，Oppa無辦法嚟到，所以昨晚祇有我們三個食！但Oppa由於覺得唔好意思，所以即刻話要今晚21號我們一家四口再去番「尖沙咀凱悅酒店咖啡廳」同爹哋補祝番生日！呢度款式種類超多有：新鮮即烚龍蝦真係超級新鮮，所以唔需要落任何調味料，就咁烚都好好味，味道極之鮮甜，肉質超爽甜彈牙，最好係可以保持到龍蝦嘅原汁原味，每人每次限攞半隻同一隻鉗，隻鉗仲會鉗開咗一半，方便人客整嚟食，真係幾細心！即煎鐵板澳洲西冷牛扒，每當有人客話要嗰陣師傅就會即時切一塊出嚟放喺烤爐上面燒，燒嘅時間火候控制得恰到好處，肉質非常鬆軟嫩滑，肉味相當濃郁！另外！每晚喺指定嘅時間都會聽到鼓聲響起，就係刺身師傅就會喺眾人客面即場表演新鮮手切原條油甘魚，由於係新鮮即切嘅關係，油甘魚嘅肉質超級鮮甜嫩滑，而且色澤紅潤同有光澤！而喺刺身櫃嘅每一款刺身都係超新鮮，當中最正嘅係特大赤蝦，肉質極之爽甜軟滑，真係超正呀！係本人嘅必食推介！另外！值得一讚嘅係除咗店員嘅服務態度非常親