影片
更多
2018-06-25
132 瀏覽
星期日約左朋友去中環行街，然後我地去左威靈頓街M88呢度搵野食。最後都係揀左之前都食過既餐廳Espuma。呢度既環境好闊落，又開揚，十分舒服。而且都有打卡位，咁岩坐呢度既可以影下相。食物方面，我地今次好貪心地叫左好多野! 首先有邪惡一號Nachos!烤得脆脆既墨西哥玉米片上面伴左一大pat牛油果醬、sour cream、蕃茄莎莎、溶左既芝士同埋酸瓜，超級大份，而且好好食!之後就到邪惡二號炸魚薯條，雖然炸魚外層炸漿有點過厚，但好在佢做得非常脆，而且入面既魚仍然保持到好嫩滑。至於薯條都炸得幾香脆。呢排鹹蛋黃熱潮令唔少餐廳都加入鹹蛋黃落唔同菜式入面。呢度都有慢煮牛頰肉鹹蛋黃醬寬管麵，我地當然要試下！醬汁同想像中有d唔同，係普通既忌廉汁入面加左幾嚿鹹蛋黃，2者係分開，而唔係已經將鹹蛋黃整碎混入忌廉汁。雖然係咁，本身個忌廉汁其實都已經好味，用左寬管麵更加可以吸更多汁。主角牛頰肉更值得讚賞！炆到非常淋，輕輕一按已經可以將肉拆成一絲絲。而且個汁都好濃，入哂味，超好食！飲品方面，朋友要左杯Ice Mocha，本身朱古力同咖啡味兩者都配合得好好，加$4加左Hazelnut，飲落更加有層次，偏甜，女仔應該
呢度既環境好闊落，又開揚，十分舒服。
而且都有打卡位，咁岩坐呢度既可以影下相。
食物方面，我地今次好貪心地叫左好多野! 首先有邪惡一號Nachos!
烤得脆脆既墨西哥玉米片上面伴左一大pat牛油果醬、sour cream、蕃茄莎莎、溶左既芝士同埋酸瓜，超級大份，而且好好食!
之後就到邪惡二號炸魚薯條，
雖然炸魚外層炸漿有點過厚，但好在佢做得非常脆，
而且入面既魚仍然保持到好嫩滑。
至於薯條都炸得幾香脆。呢排鹹蛋黃熱潮令唔少餐廳都加入鹹蛋黃落唔同菜式入面。呢度都有慢煮牛頰肉鹹蛋黃醬寬管麵，我地當然要試下！
醬汁同想像中有d唔同，係普通既忌廉汁入面加左幾嚿鹹蛋黃，2者係分開，而唔係已經將鹹蛋黃整碎混入忌廉汁。雖然係咁，本身個忌廉汁其實都已經好味，用左寬管麵更加可以吸更多汁。
主角牛頰肉更值得讚賞！炆到非常淋，輕輕一按已經可以將肉拆成一絲絲。而且個汁都好濃，入哂味，超好食！
飲品方面，朋友要左杯Ice Mocha，
本身朱古力同咖啡味兩者都配合得好好，加$4加左Hazelnut，飲落更加有層次，偏甜，女仔應該會好中意。
而我自己就要左杯凍水果茶，
入面有青紅蘋果、橙、同奇亞子，淡淡既茶香加上水果同橙汁，十分refreshing。
呢度既食物食份量十足! 岩哂一大班朋友開心share，而且環境都好舒服，好適合聚會。
張貼
