影片
更多
2008-02-18
5 瀏覽
星期六晚幫襯, 電話又係打唔通, 無得訂位, 咁惟有去排隊啦.6.30pm去到, 已經一條人龍, 大約係第十張台先到我地. 而且係無派籌, 即係中間想去行下街都唔得. 好彩天氣仍未算凍到得幾度, 咪企係條街度等下lor.一等就等到8.15才入座.好多食物都話暫停. 選左牛肉豬肉烏冬, 用石頭窩上, 的確係好保暖, 湯底及豬肉都幾好味.再點左個一口牛肉,都幾入味,味道唔錯.至於個豆腐及餃子就真係極普通,下次可以不試.食到9.10時, 門口仍有一堆人在排隊, 無10人都有至少8人. 當時有個侍應走出去講:我地收九點,你地唔使再排啦.雖然佢地係有張紙寫明服務時間, 9.00 last order.但直至8.00pm時, 都無侍應出黎截人龍, 咁好正常反應係諗住佢會做埋出面既人龍先收舖啦? 因為如果佢地認為最多只能做多2-3台客, 咁就應該一早去截人龍, 或者用派籌方式, 話今晚既籌已經派晒. 無為要人係出面等左成粒幾鐘, 你先話收舖唔使再等. 呢d係一個食肆既普通常識呀下? 算唔算係過份要求? 點解佢都會安排得咁差? 仲話開業左一年? 一年都無改善個排隊系統. 佢又唔係人手唔夠喎, d侍應寧
6.30pm去到, 已經一條人龍, 大約係第十張台先到我地. 而且係無派籌, 即係中間想去行下街都唔得. 好彩天氣仍未算凍到得幾度, 咪企係條街度等下lor.
一等就等到8.15才入座.
好多食物都話暫停. 選左牛肉豬肉烏冬, 用石頭窩上, 的確係好保暖, 湯底及豬肉都幾好味.
再點左個一口牛肉,都幾入味,味道唔錯.
至於個豆腐及餃子就真係極普通,下次可以不試.
食到9.10時, 門口仍有一堆人在排隊, 無10人都有至少8人. 當時有個侍應走出去講:我地收九點,你地唔使再排啦.
雖然佢地係有張紙寫明服務時間, 9.00 last order.
但直至8.00pm時, 都無侍應出黎截人龍, 咁好正常反應係諗住佢會做埋出面既人龍先收舖啦? 因為如果佢地認為最多只能做多2-3台客, 咁就應該一早去截人龍, 或者用派籌方式, 話今晚既籌已經派晒. 無為要人係出面等左成粒幾鐘, 你先話收舖唔使再等.
呢d係一個食肆既普通常識呀下? 算唔算係過份要求? 點解佢都會安排得咁差? 仲話開業左一年? 一年都無改善個排隊系統. 佢又唔係人手唔夠喎, d侍應寧願企晒係度, 都唔會去serve下出面排緊隊既客, 係咪即係唔入舖頭坐低, 果d就唔係客? 對舖頭外既人不聞不問, 一到9.00就出去叫人唔使排啦, 唔做你生意, 吹咩.
大佬, 果d人起碼係條街度食左1個鐘頭西北風, 你至同佢講無得食, 仲串串口話:「我地貼左告示係收9.00, 你睇唔到咩?」
今時今日咁既服務, 真係差勁.
我為在廚房煮食物既廚師好唔抵, 辛苦煮出黎都係想人欣賞, 但服務咁樣, 任你食物再好食, 都食之無味.
所以以後都唔會再幫襯了.
張貼