天 · 悠蔬食 (已結業)

小編好鍾意食素食😋，又健康又好味，前排喺天 · 悠蔬食食咗個晚市套餐。🔸前菜🏷周打黃耳桃膠忌廉濃湯&柚香紅菜頭蘋果拌合桃（跟餐加$20）周打黃耳桃膠忌廉濃湯有少少紅蘿蔔🥕碎同埋冬菇🍄碎，加入黃耳同埋桃膠，令忌廉湯變得滋補，忌廉湯唔會太肥膩，小編成兜忌廉湯都飲晒，一滴不留😋。柚香紅菜頭蘋果拌合桃有好多新鮮蘋果🍎粒，蘋果粒用紅菜頭汁撈勻，帶有紅菜頭味同埋少少柚香味；合桃好香脆可口。🔹主菜🏷牛肝菌野菜忌廉燴扁意粉配香烤大啡菇（$188）香烤大啡菇收水收得很好，水份唔會太多，亦唔會太乾身。忌廉燴扁意粉柔滑細膩，有好多唔同種類嘅菇，好適合鍾意食菇嘅人食😋。份量好多，食極都係有🤣。🔸飲品🏷熱檸檬蜜糖生薑茶（跟餐免費）生薑味好突出，帶少少🤏檸檬🍋味，蜜糖味好濃，甜度適中。🔹甜品🏷巧克力🍫蜜糖吐司🍞遇上香草雪糕（跟餐加$38）吐司塗上蜜糖，經過香烤，置於底層，中間包含咗少少朱古力雪糕，小編貪心，如果有多啲雪糕更加好🤣，上面係忌廉同埋Oreo小塊，柔滑細膩。🔸加配手卷🏷蘆筍素香鬆苜蓿芽手卷（跟餐加$18）新鮮蘆筍配上素香鬆同埋清脆苜蓿芽，簡單得嚟又美味😋。*晚餐*另收加一服務費