花晨月夕

今日黎到位於尖沙咀既哩間廚師發辦餐廳。餐廳以灰黑色作主色調，有L型長吧枱，亦有提供包廂位置。餐廳提供三種唔同價格既廚師發辦套餐，可以因應價錢選擇。✨ Omakase Sun $1380🔸先付先付包括日本銀杏、樂花生、枝豆，旁邊有清甜既無花果配上果仁醬，仲有新鮮彈牙既酒煮鮑魚。🔸 刺身三款🔺間八魚薄切師傅會喺旁邊整個超適合打卡嘅泡泡📸️而薄切既間八魚上面放有甜蝦蝦肉，兩者都味道鮮甜，而家係間八魚當造既季節，所以特別肥美，魚油豐富，配上紫蘇花及柚子酸汁一齊食真係好夾～🔺象拔蚌刺身象拔蚌刺身鮮甜彈牙，上面灑上青柚子皮，更能提鮮。🔺秋刀魚刺身秋刀魚而家最當造，最肥美，加埋薑蔥豉油癖去腥味，真係相當好食。🔸御料理熟食料理係吉列鮮帶子，外層炸皮薄而香脆，內裏既帶子新鮮彈牙，旁邊仲有炸日本青椒仔、沙律醬及三文魚籽。🔸寿司九貫真鯛、帆立貝、深海池魚、小白蝦、北寄貝、金目錭、紋甲魷魚、大拖羅、赤海膽真鯛肉質軟腍，味道鮮甜；飯立貝上面加上青檸汁，更能帶出當中既鮮味；深海池魚油脂豐富，肉質甘甜；來自富山縣嘅小白蝦，加上玫瑰岩鹽及青柚子皮，食落帶有清香，味道鮮甜；北寄貝質感清爽，味道清甜；金目錭長身，經過炙