火焰山重慶火鍋 (已結業)

地點好方便，就喺明德商場上扶手電梯一樓，餐廳好闊落，服務員服務亦好好，見到有大肚婆即刻比杯熱水夠細心，火鍋料亦都多，最正係有埋串燒，一次過滿足兩個願望。椰子雞鍋半隻$168椰子湯底係可以飲㗎，個湯飲落去清清地，好潤喉，半隻雞係另上，等啲湯滾就放落去，雞件新鮮。手切頂級牛小排$188叫咗個頂級牛小排，牛肉新鮮嫩滑，份量唔少吖。肥爽鮮鵝腸$78鵝腸肥美，爽口彈牙，分量充足。川粉$38川粉真係特別推介，因為佢俾我哋嘅醬料係重慶口味嘅，當川粉淋晒之後，放落漿料再食，好似食緊重慶酸辣粉咁，好正！甜粟米$28唐山菜$22蔬菜新鮮，粟米亦甜。皮蛋一隻$815秒響鈴六件$58比一般嘅響鈴大件，而且浸一浸湯就已經入晒味，朋友都在話好食。燒汁燒鱔$45消除雞皮傳$12串燒入味香口，雞皮卜卜趣，鱔肥美，好味道，推介。整體而言幾好唔錯，開頭懷著十五十六嘅心情去試吓，但係估唔到食材新鮮，分量充足，湯底正宗，服務亦一流，喜出望外。