影片
同朋友去食火鍋～ 由於唔太想食全辣，就叫左2邊既火鍋～ 朋友就食辣個邊～ 我就食唔辣個邊～ 椰子雞湯底真係好有椰子味，仲有雪洱係入面～ 好補呀～ 原隻上台自行放落去個椰子雞湯到～ 煲之前同煲滾左都分別飲一飲～ 我地地叫左清淡一點的奶奶娃吸下椰子雞湯汁同埋粟米吸下湯既甜味～ 椰子雞湯配菜一齊食真心美味～ 我地仲落左冰蠔都好好味～ 吸曬d甜味～ 好正呀～ 脆魚皮都好好味！完餐黎餐廳仲送左美味既冰粉～ 真心超正❤️涼涼好仲有生渣片😍好好味～ 餐廳裝潢企理好坐，空間又大～
繼續閱讀
天氣凍咗，就想食暖笠笠的食物，所以約朋友吃麻辣火鍋，剛好朋友係附近上班，就試試呢間主打的重慶火鍋。除了火鍋之外，還有串燒和雞煲，想不到有咁多種類，朋友只吃少辣，所以叫個鴛鴦湯底：麻辣配椰子雞，2款都非常足料，麻辣湯底夠麻。餐廳好貼心，除了有紙巾供應外，用特制的碗可以將食物錨起後隔一隔湯/辣椒，避免辣嘴。響鈴食得出是餐廳新鮮炸起，上菜時已聞到好香，浸入麻辣湯中，充滿著湯底的精華，辣得過癮😋牛肉選了手切頂級封門柳，喜歡它不肥也不韌🥰鴨血一定要配麻辣湯底啦！鴨血新鮮，加上紮實爽滑的口感，叫人一口接一口，完全停不下來，粉絲是粗個款，鴨血配合粉絲一齊食，真的好夾。竹蔗水薯粉吃火鍋最重要是食材新鮮 湯底足料，呢間餐廳環境又不錯，可惜這次食完就結業，希望他可以快點重開，約多啲朋友可以試其他款食物！
繼續閱讀
上一次黎「火焰山重慶火鍋」已經係一年前，心心念念想返黎食好耐，由於政府限6點前堂食，趕緊捉住堂食既尾巴，黎一黎先。串燒 ～ 巴蜀燒神仙豆腐$16/串口感似魚肉，有咬口，完全唔似平時食既豆腐，加上有孜然粉點綴，好有異國風味😋火鍋椰子雞鍋（半隻）$168火鍋湯底奶白色，先喝了口試吓味道，唔～好香椰子味，然後分了三次放雞件，咁就唔洗一次過熟哂，有啲煮得太耐老左鞋口。所以我都食到雞件最滑的時刻，好味😋武林聖火令（蝦滑雪條棒）$68/2枝我第一次黎食果時大件好多，唔知係咪因為驚個心唔夠熟要煮太耐，所以今次縮水左份量，好讓易熟啲呢。蝦味濃郁又彈牙，外層配上蟹籽，令口感更豐富。火紅年代（麻辣手打安格斯牛丸）$78/8粒麻辣味較重，只係食到少少牛肉味，因為實在很辣，我只吃了兩粒。即炸五秒嚮鈴 $58/6件五秒，真係浸五秒就夠，食時仲有少少脆，好正😋美國安格斯肥牛 $138（小）質素仲保持到，今次既雪花都好均勻，厚薄適中，煮幾秒即上，好快就食晒啦。花雕浸滑牛肉 $78這款要煮久一點，煮完牛肉仍然帶有濃濃的酒味同椰子味，味道上夾既，我覺得唔錯，牛肉仲好滑。鯇魚腩 $68爽、脆、新鮮，必食😋川粉 $38煮熟後口感非常煙靭，外型又唔會煮到走晒樣或者溶晒咁，啱食。功夫萵筍 $38好薄、好晶瑩，唔可以煮太久，會爛。油麥菜$22新鮮、乾淨、爽，打邊爐必備。
繼續閱讀
睇到OpenRice見到都有好評所以試試結果是很普通個麻辣湯底冇咩味道，唔夠辣，只能說是很接近香港人的麻辣湯底，很普通叫了豬潤，完全冇味，啱啱冰鮮出嚟啲，質地好奇怪。一舊都食唔到落去啲丸都係有啲冰鮮出嚟好奇怪。可能夜晚冇乜人，全場得兩張枱不過個鵝腸ok. 羊肉都OK。其他就真係好一般。冇咩覺得好食，但兩個人食咗七百幾蚊，都覺得有點偏貴。好食就差唔多呢啲價。其實突然好想打邊爐，湊湊7:00已經冇得拎飛所以先過嚟
繼續閱讀
天氣涼涼地，又可以食雞煲啦。今次係坑口明德商場既火焰🔥山重慶火鍋，之前試過佢地既烤魚，今次試下雞煲😋。四川麻辣雞煲 $148麻辣雞煲好惹味，我超鐘意食，醬汁濃郁，辣度又啱啱好，雞件全部吸晒汁，超級入味，食完可以加水打邊爐，一舉兩得！火紅年代8粒 $78火紅年代係麻辣牛肉丸，辣度一點也不普通，食到我噴火🤣🤣🤣，好刺激，食完一粒想接著下一粒。鮮滑牛肉片 $68牛肉片嫩滑入味，打邊爐必備之選。👍廣島冰蠔🦪$88/份有鮮甜蠔味，又唔會太腥，煮完都唔太縮水。肥爽鮮鵝腸 $78鵝腸擺盤幾靚，大大份，煮熟彈牙爽口，十分不錯。撈起冰粉 $28冰粉係用嚟解辣用嘅，冰冰涼涼，表面有山楂，酸酸甜甜解辣又開胃。茅根竹蔗水 $48#重慶火鍋 #火鍋 #打邊爐 #將軍澳美食 #將軍澳美食地圖 #美食地圖 #相機食先 #雞煲 #放題 #麻辣雞煲
繼續閱讀