一鍋堂 (大鴻輝(荃灣)中心) (已搬遷) 新店位置

依間火鍋店係荃灣數一數二的長龍店，經常全店滿座，基本上唔係上網預訂咗都食唔到。店舖門外裝咗自動體溫探測器，場內長期噴出消毒氣體，所以較安心打邊爐。餐廳鍋底選擇多有16款，我和朋友選了一鍋麻辣湯+沙參肉竹鯊魚骨湯的駌鴦鍋，湯好甜真係食到鯊魚骨，麻辣香口又夠辣。食物大致上都非常新鮮，落單後5分鐘左右便送到，大愛美國安格斯牛小排、封門柳及美國安格期牛板健，雪花紋靚牛味濃，是優質靚牛👍🏻手打三寶丸及黑松露手打墨魚滑彈牙必試，真係花膠好厚身好大片。飲品種類都算多，較特別的有一系列自家製花果茶，養生洛神花茶落足料酸酸的可消濟，滋潤冰糖燉檸檬容易入口，可下火降熱氣。