影片
更多
2018-06-28
93 瀏覽
呢個世界唔係人多就有用嘅，就睇世界盃之嘛，三大人口最多的國家: 中國、印度和美國都入唔到世界盃決賽洲就係一個好例子。不過，可能嘢食佢哋反而會叻D。講開食嘢，好似好少去食印度嘢，一於今晚去食番餐印度餐。尖沙咀想食咩都有，印度餐都唔例外，在網上篤幾個掣就搵到好多間。今晚來到寶勒巷一楝商廈樓上，入到嚟，估唔到間餐廳咁鬼潮，利用咗好多印度常見外帶的飯壺來做擺設，仲有水煲和其他廚房用具，好 colorful 好搶眼。 仲有D 手制畫，都幾靚架。印度嘢真係唔多識，對住個餐牌無從入手。解決方法係，搵個職員講解下，介紹下。問多兩問，原來佢係印度和尼泊爾嘅混血兒。我哋同佢講，我哋嘅辣度指數只是一般級數，最好 recommend 一啲少辣嘅嘢俾我哋食。佢非常樂意，慢慢講，慢慢介紹咗以下食品和飲品俾我哋 (我哋都學咗唔少嘢):Lassi – Malai Marke (Mango) $85Bomby Cutting Chai $35Papdi Chaat (no spicy) $80Punjabi Samosa $70Paneer Makhanwala $85Garlic Naan $30【Lassi – M
尖沙咀想食咩都有，印度餐都唔例外，在網上篤幾個掣就搵到好多間。
今晚來到寶勒巷一楝商廈樓上，入到嚟，估唔到間餐廳咁鬼潮，利用咗好多印度常見外帶的飯壺來做擺設，仲有水煲和其他廚房用具，好 colorful 好搶眼。
仲有D 手制畫，都幾靚架。
印度嘢真係唔多識，對住個餐牌無從入手。
解決方法係，搵個職員講解下，介紹下。問多兩問，原來佢係印度和尼泊爾嘅混血兒。我哋同佢講，我哋嘅辣度指數只是一般級數，最好 recommend 一啲少辣嘅嘢俾我哋食。
佢非常樂意，慢慢講，慢慢介紹咗以下食品和飲品俾我哋 (我哋都學咗唔少嘢):
Lassi – Malai Marke (Mango) $85
Bomby Cutting Chai $35
Papdi Chaat (no spicy) $80
Punjabi Samosa $70
Paneer Makhanwala $85
Garlic Naan $30
【Lassi – Malai Marke (Mango)】
係一杯由芒果和乳酪 mix 埋嘅飲品，都幾杰，但又好好飲。好香滑，又唔太甜。飲落其實都幾飽肚。【Bomby Cutting Chai】
係一杯統傳印度Masala茶，由不同的香草香葉來整嘅。我怕會好甜，所以要求茶和糖是分別上。飲落好香滑，捷榮嗰啲無得比。【Papdi Chaat】
好趣怪喔! 係用一部三輛仔載住兜食物架！係薯仔? 無錯就係薯仔整成脆脆，再撈咗香草和酸奶，味道好特別好好食，口感又得意。職員話呢D 係印度的街頭小食。原來街得小食都可以變成上菜，情形就好似我哋啲煎釀三寶咁。
【Punjabi Samosa】
今次唔係三輪車，而係貨車！好搞鬼！我好想拎佢走。部貨住兩大粒熱辣辣咖喱角和一小桶豆醬。
切開嚟睇係mix咗香料嘅豆蓉和薯蓉，少少辣，好香口。
【Paneer Makhanwala】、【Garlic Naan】
今次無車喇，用番正常器具載食物。
Paneer Makhanwala 係濃蕃茄醬芝士，芝士本身味道唔係好濃嗰種，浸滿蕃茄醬來食味道就剛剛好。
又或者，用個醬搽印度麵包 (garlic nann) 來食，都係一種食法。
我哋真係估唔到家下食印度菜原來係可以咁潮，搵日再來食過，順便跟嗰位職員再學嘢。
張貼
