木村食之放題 (已結業)

黎得食放題都預無質素，都係過下口引又可以食多幾款，呢間野有壽司，刺身，火鍋，串燒等，真係咩都齊。叫左個鍋試下，火鍋料都係個啲無驚喜野，菜，丸，蝦咁，都ok嘅，唔算好新鮮但又唔難食囉。刺身雖然切到好細，但都比足份量，味道正常。壽司無乜興，只叫左一round，飯爛唔好食。一系列炸物，炸粉厚都預左，好油又係預左，無乜失望咁囉。串燒同焗蠔，都幾好食，友人至愛燒菠蘿。麵豉湯可以不叫，湯淡同即沖分別不大。番叫刺身同燒菠蘿，份量依然比足。咖哩魚蛋唔好食，甜品就一般，食雪糕糯米滋最穩陣。各式落單餐紙。