245
15
5
等級4
108
0
2021-05-05 1127 瀏覽
星期五,12:00 去到牛大人呢間新分店,先排隊拎飛,佢可能之前已經派咗一輪嘅飛,佢要叫晒之前有飛嘅人入咗,先再開始招呼而家排緊隊拎飛嘅人。排隊嘅時候都有驚入唔到去,因為一入唔到就要等個半鐘頭之後人哋食完先有位,前面都有啲人放棄。好彩等咗15分鐘左右,佢叫晒之前有飛嘅人,佢就開始再比排緊隊嘅人入坐。順利入坐之後就揀選套餐,今次揀咗中間嗰個,因為之前食過貴果個套餐,覺得中間嗰隻牛肉都幾好,今次就慳返$30。一入坐就開始計時,個半鐘時間,但一個鐘就last order。⬆️當我哋已經叫好晒嘢食,亦都係出面拎好醬料同飲品,連啲火鍋料都到齊,但係個火鍋湯底遲遲未來。想叫職員幫我哋跟一下,但係叫咗幾個職員都直行直過唔理我哋。大約等咗20幾分鐘之後先至有湯底。今次叫了觀塘限定藥膳湯底,面頭有好多芫荽,裏面冇咩材料,就只有一些牛蒡。佢啲火鍋配料係幾好味,點菜之後都來得好快,如果唔係要等咗個湯底咁耐,其實佢性價比係幾高,可惜今次就食到好似好趕時間咁。其實佢嘅飲品係好多選擇,我就只係鍾情佢嘅冷泡茶。呢間分店好大間,而且都好乾淨企理,不過店員就比較冷漠。入座計50分鐘(即係我湯底到咗後30分鐘)就叫你埋單,
更多
星期五,12:00 去到牛大人呢間新分店,先排隊拎飛,佢可能之前已經派咗一輪嘅飛,佢要叫晒之前有飛嘅人入咗,先再開始招呼而家排緊隊拎飛嘅人。
104 瀏覽
0 讚好
0 留言

排隊嘅時候都有驚入唔到去,因為一入唔到就要等個半鐘頭之後人哋食完先有位,前面都有啲人放棄。
好彩等咗15分鐘左右,佢叫晒之前有飛嘅人,佢就開始再比排緊隊嘅人入坐。
順利入坐之後就揀選套餐,今次揀咗中間嗰個,因為之前食過貴果個套餐,覺得中間嗰隻牛肉都幾好,今次就慳返$30。
31 瀏覽
0 讚好
0 留言

一入坐就開始計時,個半鐘時間,但一個鐘就last order。
18 瀏覽
0 讚好
0 留言

⬆️
當我哋已經叫好晒嘢食,亦都係出面拎好醬料同飲品,連啲火鍋料都到齊,但係個火鍋湯底遲遲未來。想叫職員幫我哋跟一下,但係叫咗幾個職員都直行直過唔理我哋。
大約等咗20幾分鐘之後先至有湯底。
今次叫了觀塘限定藥膳湯底,面頭有好多芫荽,裏面冇咩材料,就只有一些牛蒡。
27 瀏覽
0 讚好
0 留言

佢啲火鍋配料係幾好味,點菜之後都來得好快,如果唔係要等咗個湯底咁耐,其實佢性價比係幾高,可惜今次就食到好似好趕時間咁。
27 瀏覽
0 讚好
0 留言

其實佢嘅飲品係好多選擇,我就只係鍾情佢嘅冷泡茶。
27 瀏覽
0 讚好
0 留言

呢間分店好大間,而且都好乾淨企理,不過店員就比較冷漠。
入座計50分鐘(即係我湯底到咗後30分鐘)就叫你埋單,同埋話last order,咁我哋就快快脆脆叫多幾樣嘢食,因為其實仲有成40分鐘可以慢慢食,可惜佢埋單之後就冇再送上我點嘅嘢,明明係成功落單,而且落單嘅時間係未到60分鐘。
所以如果去食就早少少嗌定多啲嘢,我就係唔想浪費食物所以少少少少咁叫。到最後我所有食物都係清晒一件都冇剩。因為last order冇俾到。唯有喺出邊攞蔬菜食。
希望佢哋嘅安排可以做得好啲,佢哋咁樣做法(50分鐘就唔上菜)會逼人一開波叫定好多嘢,我覺得會浪費食物。
嗰日係最後一日新張88折,一個人$160 左右,其實係OK抵食。
唔知道佢有冇甜品,因為冇留意。
結論:
食物質素OK,唔好預有好好嘅服務。
由湯底送上至截單只有30分鐘,會試多次睇吓會唔會好啲,因為我去另外嘅分店冇遇上咁情況。

~報告完畢~
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食