382
21
9
開飯介紹
台式任食火鍋，提供不同的湯底款式。客人可選擇牛肉的種類包括安格斯、和牛等。餐廳更提供台灣直送美食，如豬血糕、花枝丸等。
繼續閱讀
營業時間
今日營業
12:00 - 16:00
17:00 - 23:00
星期一至四
12:00 - 16:00
17:00 - 23:00
星期五至日
12:00 - 16:00
17:00 - 00:00
公眾假期
12:00 - 16:00
17:00 - 00:00
公眾假期前夕
12:00 - 16:00
17:00 - 00:00
*午市最後落單時間：15:30
晚市最後落單時間：22:30（星期一至四）23:30（星期五至日, 公眾假期及前夕）
以上資料只供參考, 請與餐廳確認詳情
有關獎賞計劃
食家推介
相關文章
大隻仔今次覓食嘅店舖就係💥 牛大人台灣火鍋吃到飽 💥 大隻仔私心推介，今次介紹一間台灣火鍋吃到飽餐廳「牛大人」，最貴嘅吃到飽套餐都係三百幾蚊，已經食到質素幾高既澳洲和牛片，美國prime牛肉片，封門柳等等，仲有各款台灣直送食物，手搖茶、冷凍茶，性價比真係好高，但最吸引大隻仔嘅就係地方環境舒適，通道闊落，二人枱有卡位座椅之外，仲要張枱夠大，呢個價錢質素真係冇得輸。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 澳洲極上和牛 $328 （另加一服務費）火鍋湯底有好多選擇，鐘意食辣既可以揀麻辣鍋、剝皮辣椒雞鍋，注重健康嘅可以揀薑母鴨鍋、阿嫲養生鍋、四目養生鍋。大隻仔今次就揀咗充滿台灣風味既台灣鳳梨雞鍋，唔油膩，湯底清新，帶有淡淡鳳梨香味，湯底除咗有台灣鳳梨外，仲有半隻雞、苦瓜、鹹魚仔、高麗菜，材料好豐富。揀選澳洲極上和牛餐，當然要食牛肉啦，除咗有牛小排、牛板腱、牛五花、封門柳外，仲有安格斯一口牛、澳洲和牛M5牛肩卷、美國prime極級肩里肌，所有牛肉都好高質素，唔會乾柴，油脂分布均勻，就連一口牛都好軟冧，非常推介。另外每人會送2粒M9和牛牛丸，牛丸睇落平平無奇，同一般牛丸差不多，但食落口牛肉味道十分之濃郁，非常好食，難怪每人只得兩粒。套餐仲包豬、羊、雞、魚、蝦、沙白、菜、炸物、小食、丸餃類，真係好多選擇。除咗牛肉外，大隻仔最鍾意食嘅食物就係台灣蝦餃、麻吉燒、花膠、豬血糕、花枝漿、鯛魚片，非常推介以上食物，全部都好好食。而家仲做緊promotion like & follow FB 或者IG就免費有一杯鴨屎香檸檬茶，呢杯檸檬茶好好飲，大隻仔飲完一杯再order多一杯，飲埋朋友果一杯。😂😂🔥 洛神花小麥啤 $58 （另加一服務費）另外仲order左一杯期間限定，牛大人同 heroes beer co crossover 既洛神花小麥啤，餐廳職員話洛神花小麥啤可以解辣，出邊飲唔到，只喺牛大人供應，小麥啤有少少苦澀帶有淡淡洛神花香味，鍾意飲啤酒嘅朋友值得一試。最後食甜品，每人可以選雪糕一杯或者仙草凍。
繼續閱讀
「牛大人」係坊間出名性價比高嘅日式火鍋放題，但我竟然到今天才有時間親身光顧。觀塘分店面積好大，裝修間隔舒服闊落。樓底夠高，又有仿木系窗簾仲打着柔和的燈光，走高格調文青台式火鍋路線。飲品凍櫃款式好多，聽朋友講每次嚟都有新嘅發現。我喜歡自家出品嘅「白桃烏龍」及「洛神花茶」，濃淡得宜唔會太甜。Like 店家嘅社交平台仲送「益力多乳酸綠茶」。包裝衞生，味道唔錯，台式茶飲店的質素。👍🏻入座時已選好火鍋底:「阿嬤養生濃湯」。湯底清甜滋潤不燥熱，有大白菜、桂圓、桃膠、蟲草花等等養生材料😋咁難得嚟到，我哋揀咗至top 套餐 「極上和牛吃到飽」反正怒吃一於要盡興😋🌟先送上和牛牛丸，大大粒超大牙，咬開仲爆汁，牛油豐富，肉味好濃，非常美味。真想問問那裏有成品可賣~巴洛鹽小麥啤酒 $68/400ml估唔到巴洛（番石榴）也可融入啤酒。味道清爽帶點果酸嘅啤酒，酒精較輕，好容易handle～精選牛肉、和牛系列、安格斯系列夾埋都有約8款牛肉。推介幾款回本款式：澳洲和牛M5牛肩卷：肉味濃，脂肪分怖平均。安格斯牛小排：牛脂牛肉味同樣豐富，肉質竟然比M5澳洲和牛牛肩卷更嫩滑！手切封門柳：牛肉最原汁原味，接近零脂肪嘅牛柳，健康又有牛味，唔靭冇渣，好吃得很！海鮮方面，選擇唔算多，不過款款新鮮。分別點了鯛魚柳和驢魚，啖啖肉味道唔錯。沙白：蜆肉肥美飽滿，十分鮮嫩，encore了一次同樣高質👍🏻👍🏻店家自製嘅魚漿也有幾種款式。有花枝魚魚漿、鯪魚球滑、雞肉滑、手打豬肉、牛肉滑。當中鯪魚球十分彈牙，有魚味味唔腥。雜項有好多款嘅餃，但外表全都一模一樣，有返少少分別會較好～牛孖筋、鵝腸正常好吃～小食方面，鹽酥雞最出色，十足台灣夜市風味😋皮蛋豆腐就一般。食物整體出色，牛肉質素有驚喜，環境舒服，唔怪得朋友間諗唔到食咩就到「牛大人」開餐。
繼續閱讀
⭐真的強烈推薦這間高質台式牛肉任食火鍋！餐廳有多個套餐選擇，豐儉由人，我就選擇了晚上120分鐘澳洲極上和牛放題⭐湯底有九款可供選擇，我選了牛大人秘方麻辣鍋，豬骨湯+香料味+花椒麻辣味，好吃😋⭐套餐有十多種肉類可選，包括安格斯牛板腱，安格斯牛小排，一口牛粒，澳洲和牛M5牛肩卷，美國prime級肩里肌，還有幾款豬肉和雞肉，三種滑，以及牛筋牛肚⭐肉類之多，可以滿足你全部需求😋而且絕非重量不重質，有牛板腱等帶筋爽口的，亦有牛小排等油脂豐盈的，十幾款不同口感的牛肉，絕對滿足👍🏻⭐各種魚滑漿類亦十分優秀，每人贈送的兩粒澳洲M9和牛牛丸，牛味濃厚，非常好吃⭐其他火鍋配料選擇亦非常豐富，總共有幾十款之多，光是自助蔬菜+丸類+豆製品類+餃類都已經眼花繚亂，其中我推薦豬血糕，油條，凍豆腐，水蓮，蝦，海帶結，芋頭，淮山，太多太多，其實所有配菜都新鮮，選材不馬虎，全部值得一試⭐飲品方面，除了滿滿一排可自助的冷泡茶/汽水/果汁外，還有幾款自製飲品，包括酸梅汁，烏梅汁等等，開胃解膩的上佳選擇⭐還有幾款小食，包括台灣香腸，鹽酥雞，甘梅地瓜可選，都不錯⭐吃到最後有一人一份movenpick或仙草奶選擇，口味都很不錯此間火鍋放題已經放在我的任食火鍋list內，怪不得有口皆碑，朋友同事之間都很愛吃！短期內一定會再來嘗試這次沒有吃到的😋
繼續閱讀
牛大人台灣火鍋吃到飽 (鱷魚恤中心) (觀塘).觀塘嘅牛大人長期都非常爆場.$328 澳洲極上和牛.想食較高質嘅牛叫貴啲set就可以有和牛食，套餐仲每人包兩粒和牛牛丸，超好食，爆汁又juicy呢個牛丸另外叫的話要$58三粒！係湯底未滾前可以叫啲小食例如皮蛋豆腐，台灣腸等.超過三千種嘅火鍋配料，飲品選擇又多，仲要有解膩唔同嘅冷泡茶.牛大人當中嘅漿類非常之有特色，全部都做得好夠味又彈牙；台灣火鍋鵝腸都好好食！.因為個人鍾意飲啤酒，另外叫左杯洛神花小麥啤試下，充滿果味再加上綿密嘅泡.牛大人台灣火鍋吃到飽 (鱷魚恤中心) (觀塘)觀塘開源道79號鱷魚恤中心5樓.—————————————————————-#hkig#hkigfood#hkfoodie#foodie#food#hkfoodlover#hkdaily#foodiehk#foodig #hkfoodblogger #觀塘美食 #牛大人 #牛大人台灣火鍋吃到飽
繼續閱讀
Long time no 牛大人!! 好開心有HEROS靚手工啤飲( ´▽｀)本身都鍾意呢個牌子🍺「芭樂鹽小麥」好易入口 有麥香同fruity嘅甜味 真心推💛💛以下係本人食咗n次牛大人之推介：🐮封門柳- 最稔最厚肉之選 一定要澳洲極上和牛個餐!!🐮沙白- 放題嚟講 可以食咁大隻咁甜嘅沙白 真係無野講 每次都好好高質(´･ω･`)🐮澳洲和牛M5牛肩卷- 好稔好香 質素就係同lower tier唔同😂🐮牛胸爽- 肥肥之選 好爽口 啲牛油爆晒出嚟😍🐮台灣腸- 最愛台灣腸：3🐮鴨血- 雖然鴨血真係好高質好好食 不過都係建議食麻辣鍋先嗌 養生湯就咁飲就正 但同鴨血食會唔夠爽🤪🐮冬粉- BEST 麵底 EVER!!! Q彈 索湯🥹ps. 落咗~20隻蝦整咗個濃蝦湯飲 神級癲 不過食到最後唔知自己食緊蝦味嘅牛湯定牛味嘅蝦湯🤣
繼續閱讀
您可能會有興趣的...