德哥火鍋專門店 (已結業)

愛吃海鮮嘅朋友話要黎食 浩瀚桑拿海上鮮，當然奉陪！！入到店內似乎全部客人都在打邊爐，心思思想改變主意，不過朋友堅持要食浩瀚桑拿海上鮮，唯有下次先黎打邊爐啦店員先送上醬料，應有嘅都有！好大盆嘅 浩瀚桑拿海上鮮先用錫紙蓋住，滾一陣，然後再除去鍚紙。內有大量海鮮：一條好大條的沙巴龍躉、蠔、蝦、帶子、蟹、花蛤等，仲有雞塊。店員再為海鮮窩加上大量莞茜香葱，賣相當堂靚仔哂！沙巴龍躉味道一流，非常新鮮，咬落彈牙，鮮甜度十足。蠔：幾大隻，食落都算鮮甜，大約每人有１至２舊。蟹：肉較少，略為瘦削。鍋內有大量蜆，喜歡食蜆的朋友唔好錯過！整體黎講，沙巴龍躉真係好正！如果價錢再平一點就好啦。