Trois Cafe (已結業)

今日做野做到好攰，所以就過左黎Trois Cafe，諗住食過tea，咩都咁靚嘅環境叉電真係一流，成個人都精神晒。咁我就叫左鰻魚牛油果。佢入面有一個厚厚嘅多士喺底，再配上燒鰻魚，牛油果沙律。個牛油果同鰻魚居然出奇地夾，個感覺好唔同，好fresh。鰻魚燒得啱啱好，咬落去啖啖肉，而且即叫即整，熱熱地咁好好食。而黑松露蛋沙律整得好好，賣相唔洗講，一見到就要幫佢影翻張相，至於味道，黑松露係將蛋沙律拉高左幾個層次。而我另外再叫左香烤雜菜，因為真係好餓。入面有烤雜菜，有火箭菜，最抵嘅係蒜蓉多士。