嫲嫲辣辣

營業中

休息中

去咗尖沙咀厚福街食嫲嫲辣辣今次揀咗自選鍋底，鍋底總共有四隻味揀，有香辣，麻辣，孜然同蔥爆。 亦都有5種辣道度可以揀，由微辣到火爆辣。我哋今次揀咗麻辣蜆肉乾鍋，配四季豆，金針菇，紅薯粉，同蓮藕仔。 而配料有超過60種可以揀。干鍋味道香濃，香辣同麻味足夠。蜆肉嘅份量都好多，冇沙，鮮甜。配埋四季豆金針菇蓮藕仔，全部配菜都新鮮爽脆。我哋仲揀咗水煮牛肉，裏面已經有豆芽，萵筍等配菜。牛肉煮嘅火候啱啱好，嫩滑，唔會過靭過老。最後仲叫咗清炒萵筍絲，萵筍絲新鮮爽脆，份量足夠，可以用來清一清味蕾。總括而言，呢間餐廳調味好好，香麻味十足，正宗川菜風味，食材新鮮，價錢適中，會再encore