影片
更多
2017-04-18
5544 瀏覽
之前宵夜食過一次嵐山，當晚只嚐到幾款食物，但也難忘。今次三位好耐無見的舊朋友飯聚，竟然又有緣分再黎到呢間日式小店，今次終於可以嚐真不同種類的美食。位於棉登徑的嵐山，原來晚飯時間坐無虛席，就算當日係星期一都爆滿。好彩朋友早早幫我地訂左坐先不至白行一趟。店內格局有濃厚的日本風，小店唔算十分豪華闊落，但幾熱鬧幾有氣氛。識食的朋友一來到先點一壺Sake，冷sake用特別的器皿上檯。冰放在獨立的空間，可以保持溫度又唔會淡清酒味道。小小的細節都見得到誠意。由於我當日唔方便飲酒，評論不到清酒質素了。食物方面，我地慢慢研究緊餐牌之際，甘岩遇到店主招呼我地，直接請他安排兩款頭盤比我地。《大澤日本真蠔》佢先介紹左我地食日本真蠔，同平時的生蠔食法有點唔同。用上醬汁醃製，上面有少少蔥花，可以提升生蠔的鮮味，亦令到味蕾有多一種的刺激。選料用上日本真蠔，好大隻好厚肉，要分開兩三啖食。鮮味好濃，好夠蠔香，但呢種食法就食唔到海水味。《宮崎和牛沙律》好少食和牛刺身，因為軟軟厚厚的肉的質感，好多人心目中絕對係一等一美食，但坦白講我唔太接受到。但呢款和牛刺身沙律就唔同，和牛刺身係薄切的，唔會有果種難以接受的口感，配合到我口
位於棉登徑的嵐山，原來晚飯時間坐無虛席，就算當日係星期一都爆滿。好彩朋友早早幫我地訂左坐先不至白行一趟。
店內格局有濃厚的日本風，小店唔算十分豪華闊落，但幾熱鬧幾有氣氛。
識食的朋友一來到先點一壺Sake，冷sake用特別的器皿上檯。冰放在獨立的空間，可以保持溫度又唔會淡清酒味道。小小的細節都見得到誠意。由於我當日唔方便飲酒，評論不到清酒質素了。食物方面，我地慢慢研究緊餐牌之際，甘岩遇到店主招呼我地，直接請他安排兩款頭盤比我地。
《大澤日本真蠔》
佢先介紹左我地食日本真蠔，同平時的生蠔食法有點唔同。用上醬汁醃製，上面有少少蔥花，可以提升生蠔的鮮味，亦令到味蕾有多一種的刺激。
選料用上日本真蠔，好大隻好厚肉，要分開兩三啖食。鮮味好濃，好夠蠔香，但呢種食法就食唔到海水味。《宮崎和牛沙律》
好少食和牛刺身，因為軟軟厚厚的肉的質感，好多人心目中絕對係一等一美食，但坦白講我唔太接受到。但呢款和牛刺身沙律就唔同，和牛刺身係薄切的，唔會有果種難以接受的口感，配合到我口味。
薄牛肉配上爽脆的沙律菜蔬，口感好豐富。酸酸的醬汁令人份外開胃，除去和牛的膩。而和牛的濃香牛脂味會維持口腔一段時間，可以慢慢細味。多謝店主的兩種推介，兩款都係平時比較少食到的特色美食。
《刺身盛、壽司盛、燒飯糰》
難得一次的舊朋友，大家都好捨得食。爽快地叫了一個大刺身盛，仲另外加左飛機貨。同時，都點左一客壽司盛，放開肚皮嚐鮮。
刺身上檯都好靚仔，件件都好有光澤，九款刺身都係靚料，好新鮮。
最喜歡的海膽同拖羅都無令我失望，海膽好鮮、無雪味無腥味，拖羅都係超級肥美。
落單的哥哥有提議我地食完刺身可以食少少飯糰，膽粗粗一試。
飯糰表面燒到有少少焦香，入面有幾款唔同的餡料，都幾得意，中段食可以中和一下膩感。壽司盛一客有12件，件件都係貴價食材，有齊哂所有大路items，閒日黎淨係食呢個都唔錯。
最欣賞佢地的軍艦，紫菜非常之脆，好出色。
帆立貝都係出色之作，貝身好厚，味道好鮮甜。飯的比例亦唔會過多，口感好好。嚐鮮之後就要嚐廚藝喇！熟食點左兩款特色野、串燒、野菜同炒飯。
《大根煮沖繩豬手》
呢個豬手係今次的一大驚喜，無諗過豬手可以煮得甘好食！豬手煮左好耐已經好軟滑，部分仲已經半溶化在湯中。
湯底係甜甜的，仲有少少豬手的膠原，所以杰杰地，配料吸收左湯汁都非常好食。我地幾個連蘿蔔等都食清光啊！《蒜片安格斯薄燒》
安格斯牛肉雖然係薄燒，但一碟有好多件，好足料。醬汁有兩款可以選擇，我個人覺得黑色果款好味d。
佢地並唔單只將牛肉同蒜片等的配料混和，而係好細心甘將每一片牛肉卷起，每一件咬開都可以見到蒜片同蔥花，好貼心。
味道方面，牛肉係高質貨，牛肉味濃。少少煎香左，配合蒜香、蔥香，好惹味。《串燒雞翼、蕃薯仔、鵪春蛋》
串燒點左三款，都係大路野。整體水準唔錯，上檯都靚，甜薯仲好甜添。
《和風炒野菜》食甘多肉點可以唔食返少少菜，但有時候出街見到蔬菜同肉類價錢一樣，點菜時又會好肉赤。炒野菜唔會有太大驚喜，但欣賞佢地無用蔬菜賺太多。一大碟炒野菜只係$48，唔駛就住就住點。
《鰻魚炒飯》鰻魚炒飯係最後一道菜，因為大家驚唔夠飽。但其實係我地過慮了，食到去飯呢個環節已經好飽，但為左唔浪費食物，當然要食埋啦！
估唔到甘飽的情況下，我地都仲覺得個鰻魚飯好好味。炒飯乾乾地身，少少甜，用料超豐富，基本上每一啖飯入面都有鰻魚的。今次終於有機會，細細品嚐嵐山之味，大家都十分享受。食店人流係食物質素的指標。食肆林立的街道中，晚晚爆場不無原因，食過就明白了。
張貼
