牛魔 (已結業)

呢間食和牛燒真係不得不推介，真係超級好味，完全不能抗拒，其實佢哋除咗和牛之外，其他嘅小菜類都好好食 ，因為樣樣都好似好好味咁唔知點揀，所以係廚師發板，首先就係前菜豆腐沙律配芝麻汁，豆腐好滑，亦都好香豆腐味，芝麻汁其實係胡麻汁，所以前菜非常開胃，然後係全天然豚肉五花腩，佢仲要係厚切，亦都有跟一碟生菜，燒好之後配埋個韓式五花腩醬就包生菜食，口感好好，之後就係和牛牛五花，雖然比較薄但係入口即溶，再配埋佢哋事前調配好嘅汁好好味，食得太多肉之後，想試吓其他菜式，就叫咗個櫻花蝦粟米餃子，好香蝦味，口感好得意，因為啲蝦好脆，但餃子較軟身，味道不錯，因為老公話食得太多肉嘅話比較漏口，所以最咪就叫多個石鍋拌飯黎醫飽個肚🤣🤣🤣店員會幫你伴均個飯，所以唔使擔心自己唔識整，亦都會幫你分配好一人一碗，味道還可以，當然唔會有韓國餐廳嗰啲咁正宗咁好味，但都算OK，不過嚟到呢間食牛為主，當然首要推介係食和牛先啦😊😊😊