影片
更多
2022-02-23
506 瀏覽
而家得返午市，得返啲無咩食評嘅omakase有位，抱住小試牛刀既心情，好彩無失望。餐廳唔算太大，得十個位，但位與位之間幾闊絡，坐得舒服👍🏻 話哂最少都要食兩粒鐘。價錢算係中等，人均$680-880，還掂都食當然要食好啲。前菜有幾款漬物、蕃茄漬、水雲同枝豆豆腐。蕃茄仔好juicy，經味噌醃製後冇左草青味、更清甜，非常開胃。豆腐食落似mousse，用枝豆做成，同黃豆味道上有好大差別，枝豆有陣獨特嘅清香，幾特別。刺身，先由淡身魚食起，師傅每上一款都會介紹種類同推介食法。第一款油甘魚，切成薄片，口感嫩得黎帶黏性，點酸汁食更鮮味。鮟康魚肝，幾大件，肝味同油香好出，好味。象拔蚌，新鮮爽彈，配埋芥辣，帶少少辛辣更易入口。刺身MVP一定係呢款鮑魚，幾片厚切鮑魚片，旁邊係用鮑魚肝燒成既醬，師傅話買新鮮鮑魚先會連埋肝，可以做出咁濃味既醬，用黎撈飯一啖肉一啖飯，真心正！鮑魚嘅鮮充滿整個口腔。到壽司環節，金目鯛脂肪較多，肉質較滑油香偏重，單用醬油輕輕調味已經夠味。千切帆立貝，剁多幾刀真係好食啲，鮮甜又爽口，上面仲有魚子醬，好奢侈😂呢個唔記得係咩，但魚味超！重！而且入口即化，有啲似鰻魚。煮魚，鹹甜交集，惹味可口
餐廳唔算太大，得十個位，但位與位之間幾闊絡，坐得舒服👍🏻 話哂最少都要食兩粒鐘。
價錢算係中等，人均$680-880，還掂都食當然要食好啲。
前菜有幾款漬物、蕃茄漬、水雲同枝豆豆腐。
蕃茄仔好juicy，經味噌醃製後冇左草青味、更清甜，非常開胃。
豆腐食落似mousse，用枝豆做成，同黃豆味道上有好大差別，枝豆有陣獨特嘅清香，幾特別。
刺身，先由淡身魚食起，師傅每上一款都會介紹種類同推介食法。第一款油甘魚，切成薄片，口感嫩得黎帶黏性，點酸汁食更鮮味。
鮟康魚肝，幾大件，肝味同油香好出，好味。
象拔蚌，新鮮爽彈，配埋芥辣，帶少少辛辣更易入口。
刺身MVP一定係呢款鮑魚，幾片厚切鮑魚片，旁邊係用鮑魚肝燒成既醬，師傅話買新鮮鮑魚先會連埋肝，可以做出咁濃味既醬，用黎撈飯一啖肉一啖飯，真心正！鮑魚嘅鮮充滿整個口腔。
到壽司環節，金目鯛脂肪較多，肉質較滑油香偏重，單用醬油輕輕調味已經夠味。
千切帆立貝，剁多幾刀真係好食啲，鮮甜又爽口，上面仲有魚子醬，好奢侈😂
呢個唔記得係咩，但魚味超！重！而且入口即化，有啲似鰻魚。
煮魚，鹹甜交集，惹味可口，天冷食返道熱食成個人暖返哂。
最尾甜品係芝士蛋糕😍 多數出面都係俾生果。豆乳味，較清淡，唔似美式咁甜+飽滯。隔離仲有個扮橙既啫喱😂好動L，睇得出花左心思。
成餐飯食得好飽好滿足，順便一讚樓面靚女好好禮貌，加茶加得好快。
張貼
