影片
更多
2018-03-25
184 瀏覽
3月係小妹嘅生日，喺生日呢啲咁特別嘅日子，梗係要好好咁浪漫一下，最開心既莫過於同男朋友仔燭光晚餐撐枱腳啦。今次嚟到凡高廚房， 一入到去就好似去咗一個 art gallery 周圍都擺滿咗梵高嘅作品， 而更加特別嘅係，佈置仿照梵高嘅作品：The Night Café， 酒紅色嘅牆身配上一大張嘅桌球檯， 除此之外更加有樂手喺現場演奏，非常浪漫。環境舒服， 擺放唔少有關於凡高嘅作品同裝飾，非常別致。有分別叫咗兩個唔同嘅套餐，一個就係和牛套餐，另一個就係 dinner set，當然極之和牛盛宴套餐嘅食物就 唔同啲啦。頭盤嘅係煙三文魚華都夫帶子塔， 用帶子同埋大蝦放喺三文魚上面，而煙三文魚亦包住咗華都夫沙律，底下就係新鮮嘅沙律菜，食落好有層次，味道配合， 帶子亦相當甜美。而dinner set嘅頭盤亦都唔錯， 風乾火腿配蜜瓜及沙律菜， 亦都係開胃嘅配搭。和牛套餐有一杯welcome drink， 可以選擇紅酒或者白酒，不過我就叫咗呢個熱情果梳打配雪糕。 顏色配搭亦都好有層次好，女仔會好鍾意。餐湯係98%野菌忌廉湯， 果然不愧係98% 既野菌每一啖都好似食緊蘑菇蓉咁樣，非常香濃嘅野菌味， 面頭仲加
今次嚟到凡高廚房， 一入到去就好似去咗一個 art gallery 周圍都擺滿咗梵高嘅作品， 而更加特別嘅係，佈置仿照梵高嘅作品：The Night Café， 酒紅色嘅牆身配上一大張嘅桌球檯， 除此之外更加有樂手喺現場演奏，非常浪漫。
環境舒服， 擺放唔少有關於凡高嘅作品同裝飾，非常別致。
有分別叫咗兩個唔同嘅套餐，一個就係和牛套餐，另一個就係 dinner set，當然極之和牛盛宴套餐嘅食物就 唔同啲啦。
頭盤嘅係煙三文魚華都夫帶子塔， 用帶子同埋大蝦放喺三文魚上面，而煙三文魚亦包住咗華都夫沙律，底下就係新鮮嘅沙律菜，食落好有層次，味道配合， 帶子亦相當甜美。
而dinner set嘅頭盤亦都唔錯， 風乾火腿配蜜瓜及沙律菜， 亦都係開胃嘅配搭。
和牛套餐有一杯welcome drink， 可以選擇紅酒或者白酒，不過我就叫咗呢個熱情果梳打配雪糕。 顏色配搭亦都好有層次好，女仔會好鍾意。
餐湯係98%野菌忌廉湯， 果然不愧係98% 既野菌每一啖都好似食緊蘑菇蓉咁樣，非常香濃嘅野菌味， 面頭仲加咗少少嘅松露油，帶起咗成個湯嘅香味，絕對係蘑菇迷最愛。
而dinner set 餐湯方面就係意大利雜菜湯，比較清甜， 不過亦都係相當足料，有唔少嘅雜菜。
但我都係比較欣賞佢嘅餐包，除咗熱辣辣之外，亦都有一個香草牛油， 餐包相當軟熟， 夾埋呢個香噴噴嘅香草牛油簡直係絕配呀。
而普羅旺斯式炒田螺亦都唔錯，配菜係薯蓉同黑醋醬及沙律， 擺碟亦相當精緻，田螺口感柔軟，唔會太煙韌， 唯一問題就係份量較少啦，哈。
馬賽海鮮飯，上面擺放咗唔少嘅海鮮 ，青口大蝦帶子，每樣都相當有份量，肉質結實，味道鮮甜， 加上上湯煮出嚟嘅意大利飯，吸收左海鮮嘅鮮味，唔錯， 不過味道上我就覺得有少少淡，可能我比較鍾意重口味啦，但男朋友就覺得啱啱好，各花入各眼啦。
呢個真係賣飛佛呀， 是日重點：炭燒m7澳洲和牛， 配岩鹽及及黑松露醬。 m7和牛油分適中 充滿肉味，油花夾雜喺牛肉之間， 而炭燒既做法，燒香咗表面，令到表層相當香脆，亦都有少少碳香 加上岩鹽嘅調味帶起咗脂肪同肉既香味， 但又唔會少得太乾， 充分咁保留咗肉汁。
靚嘅牛扒真係唔需要搞太多花臣，配上適量嘅岩鹽同香草，已經足夠味蕾享受，所以松露醬我就用咗去點配菜同埋薯仔， 單純味道而言，松露汁都係唔錯嘅， 但我認為牛扒都係簡單嘅食法比較好。
至於甜品就送上咗野莓慕斯蛋糕，同埋焦糖燉蛋， 粉紅色嘅野莓蛋糕，絕對可以吸引少女嘅眼球，酸酸甜甜嘅味道， 唔會令人有太飽嘅感覺，食多兩啖都仲得呀。
不過我都係比較鍾意既係焦糖燉蛋，表面係香脆嘅焦糖，裏面係creamy 又香滑既燉蛋，甜品胃即時大滿足。
張貼
