影片
更多
2018-06-27
2380 瀏覽
世界盃呢段時間老公每晚一放工就自己去食下午茶，之後返屋企訓覺再預時間起身睇波，完全唔理我所以呢排我約姊妹去食飯都唔需要預先通知佢。今日約左係尖沙咀返工嘅姊妹收工去食好野之後再行街睇戲，我地今日去呢間鮨一位於尖沙咀厚福街，之前老公因為想食呢度好出名嘅千層海膽丼，所以帶過我上黎。我同姊妹今晚因為要預時間睇戲，所以6點鐘就已經到餐廳，我地係第一枱客，可以任選座位，我地當然揀坐係BAR枱，可以望住師傅整我地嘅食物，大概7點左右，餐廳就差不多坐滿客人。我地點左一款沙律、兩隻日本直送嘅生蠔，苦瓜，雞串同煮牛舌，兩個人份量應該差唔多。鮨一沙律 $128呢款餐廳招牌沙律好抵食，除左有好多新鮮沙律菜之外，仲有起碼超過5款刺身係入面，而且份量好多，三至四個人share都應該好夠食。日本厚岸蠔 鮨一呢度每日都有幾款日本直送嘅時令海鮮，難得見到有我最愛嘅生蠔，當然要叫返一人一隻食啦，呢款由北海道空運到港嘅厚岸蠔超級鮮甜，口感好滑溜，蠔肉好飽滿而且大隻，要分兩、三啖先可以食到。日本沖繩苦瓜 沖繩苦瓜味道好有驚喜，入口香甜口感爽脆，吞左落肚之後，淡淡嘅甘香先係口腔感受到。華味鳥雞腎串、雞胸軟骨串、雞翼串"鳥"係
今日約左係尖沙咀返工嘅姊妹收工去食好野之後再行街睇戲，我地今日去呢間鮨一位於尖沙咀厚福街，之前老公因為想食呢度好出名嘅千層海膽丼，所以帶過我上黎。我同姊妹今晚因為要預時間睇戲，所以6點鐘就已經到餐廳，我地係第一枱客，可以任選座位，我地當然揀坐係BAR枱，可以望住師傅整我地嘅食物，大概7點左右，餐廳就差不多坐滿客人。
我地點左一款沙律、兩隻日本直送嘅生蠔，苦瓜，雞串同煮牛舌，兩個人份量應該差唔多。
鮨一沙律
$128呢款餐廳招牌沙律好抵食，除左有好多新鮮沙律菜之外，仲有起碼超過5款刺身係入面，而且份量好多，三至四個人share都應該好夠食。
日本厚岸蠔
鮨一呢度每日都有幾款日本直送嘅時令海鮮，難得見到有我最愛嘅生蠔，當然要叫返一人一隻食啦，呢款由北海道空運到港嘅厚岸蠔超級鮮甜，口感好滑溜，蠔肉好飽滿而且大隻，要分兩、三啖先可以食到。
日本沖繩苦瓜
沖繩苦瓜味道好有驚喜，入口香甜口感爽脆，吞左落肚之後，淡淡嘅甘香先係口腔感受到。
華味鳥雞腎串、雞胸軟骨串、雞翼串
"鳥"係日文有"雞"嘅意思，華味鳥就係日本其中一款好出名的雞，由養殖到飼料都非常講究。呢三款華味鳥串燒嘅火喉都控制得好好，外層富有炭香，內裡鮮嫩多汁，當中我最鍾意係雞胸軟骨串，超有口感。
日式味噌煮牛舌
牛舌超軟腍，味噌味道滲哂入牛舌入面，份量超級多，我估有超過20件，最後食到我地要打包走。
埋單每位$350，價錢合理。
張貼
