炉端金 (已結業)

假期既下晝，同屋企人慶祝生日，當然要食好啲，揀咗一間日式放題，選擇多元化，食既飲既應有盡有，雪糕都有齊 Dreyer's, Haagen Dazs, Movenpick仲要唔係一般既雲尼拿、朱古力同士多啤梨，鍾意食雪糕既朋友相信都好易番本，我自己都揀咗兩款試試!飲品選擇都好多，除咗一搬罐裝飲品，連somersby既蘋果酒、紅酒、白酒、 Asahi同清酒、梅酒質數都幾好，飲飽食醉都可以沖杯熱茶消滯!入座每人就有半隻龍蝦，結實肉質帶點海水鮮味，刺身帶子同蟹鉗係我首選!黑松露鵝肝多士，鵝肝有別一般放題食到既鵝肝壽司得一點係面，香脆而且啖啖鵝油香味，不過多士就唔係好夠脆，剩係呢款都叫咗幾轉串燒款款都咁好味，即叫即燒唔會凍冰冰，牛舌、海蝦、鰻魚都係必點!天婦羅炸得夠脆，最特別係舞茸菇清爽唔油膩!海膽同芥辣八爪魚軍艦紫菜夠脆，海膽上到枱仍然保持形狀!地獄湯烏冬麵質幼滑，湯底帶少少麻辣，最啱用嚟暖胃，海膽海皇粥都唔係hea整架，起碼見得到海膽同食到海鮮味道!炉端金以卡位排開，坐得舒服食物選擇又多，比起中環高級放題無論環境同食物水準都高一班，價錢反而相對合理，值得介紹朋友嚟一齊食!