173
30
30
餐廳: 炉端金
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵尖沙咀/尖東站 B2 出口, 步行約4分鐘 繼續閱讀
電話號碼
26280036
開飯介紹
炉端金承傳日本爐端燒的傳統特色,提供日式及燒肉放題,選擇包括串燒、刺身、和食及甜品等,更設任飲精選酒精類飲品。 繼續閱讀
營業時間
今日營業
12:00 - 15:00
17:00 - 22:00
星期一至日
12:00 - 15:00
17:00 - 22:00
公眾假期
12:00 - 15:00
17:00 - 22:00
公眾假期前夕
12:00 - 15:00
17:00 - 22:00
付款方式
Visa Master AlipayHK 支付寶 現金 AE 銀聯
座位數目
150
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
電話訂座 詳細介紹
賞訂座積分
外賣服務 詳細介紹
加一服務費
當面支付
有關獎賞計劃
食評 (274)
等級4 2021-06-03
4387 瀏覽
<性格比高既無限時放題>呢間喺 tst 既炉端金 主打無限時放題 每位298 蚊 有 💡午市2 人同行一人價錢💡 有端爐燒 串燒 炸雞翼 揚物天婦羅 一品和食 壽司 卷物 刺身 小食 沙律 應有盡有 👍🏻 天婦羅 炸雞 鰻魚 秋葵 南瓜 香脆既靈芝菇 等等 整體個粉夠香脆 天婦羅同鰻魚唔錯👍🏻🔥串燒方面 羊肉燒得唔錯 幾煙韌彈牙 仲有雞軟骨 牛柳粒同海蝦 🐂🦐炸雞翼有好多款 🐥麻辣 芝麻 黑椒 芝麻比較整得香脆 黑椒同麻辣如果雞翼炸得香脆 d會更好 刺身方面都算幾新鮮 有三文魚 油甘魚 象拔蚌 希靈魚 藍青口 甜蝦 等等 🐟🦐 以任食黎講質素唔錯一品料理方面 地獄烏冬都幾香辣 烏冬麵係日本烏冬 十分爽口 仲有牛肉鍋個壽喜燒汁都唔錯 牛肉夠軟林 豆腐夠香滑 菜夠吸汁 🍜青酒煮蜆個蜆肉新鮮 個清酒汁如果整得濃 d更好 👍🏻最正係佢既端爐燒肉 肉味濃牛西冷 煙韌既牛胸腹 肥美牛肉眼 彈牙既牛仔骨🐂 另外牛舌同豬頸肉都十分唔錯🐷 韓風墨魚仔幾正 帶 d韓辣醬既墨魚仔 夠哂惹味 仲有蝦 冬菇 雞脾菇 帶子等等 都好多選擇Score 平均分 <7.9/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~#炉端金尖沙咀金馬倫道33 號地鋪 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-02
6304 瀏覽
放題加爐端燒,平日晚市由5點食到10點,成人$298加一,唔要爐端燒只係$248。爐端燒有廿多款食材可選,雞牛豬鴨海鮮蔬果樣樣齊但不算特別。而我發覺第一輪送來的預設拼盤質素好像高於之後自己點的,特別是蔬菜類。而店家提供的醬汁有燒汁,辣椒片及胡麻醬,我幾鍾意。刺身選擇有十三款算幾多,質素亦唔差,只是青口有點細隻。我最推介的是天婦羅,夠熱,唔覺油膩,炸粉唔太厚,而且款式多又特別,第一次食苦瓜天婦羅,少少回甘幾好食,另外海鰻天婦羅都係第一次見,我少有地食放題食左好多天婦羅。店家另一推介是有多款口味雞翼,我只試左其中三款,蜜糖芥辣雞翼係正既!其他食物有壽司,卷物,串燒,炸物,和食,甜品等,質素正正常常,未有特別高質推介,其中串燒牛肉粒更覺韌,但至少每樣熱食上枱時都夠熱。雪糕有Movenpick同兩個未見過既本地牌子選擇,港式奶茶,菠蘿椰子幾特別,不過味道唔太出,都係Movenpick比較好食。整體我覺得食物質素屬於中上,價錢跟一般放題店相約,性價比算是很不錯。如果選擇日式放題,這家炉端金應該會是我三甲。雖則任食兩小時其實已經非常足夠,但「不限時」就是心理上比較不用趕,亦較為適合一班朋友聚會邊吃邊聊。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-07-04
726 瀏覽
呢間野係我生前最難食嘅放題雖然價錢吾係好貴,我已經無要求,以為會係尖沙咀食嘅放題會同旺角果啲會有少少差別,但係我真係好失望。另我覺得食茶餐廳仲好過佢。同朋友選左燒肉放題首先刺身件件都好細,例如帶子好似切條嘅形狀(本身已經好細)⋯甜蝦係梅嘅⋯油甘魚一夾就分體,其他就吾多講⋯辣味凍螺肉食凍未溶雪,食落有沙冰⋯以為熱食實無死,叫左辣酒煮蜆,味道係韓色醬加水煮,淨得辣⋯燒肉完全都吾掂,切肉大小不一得好離譜,一啲超厚, 一啲超簿(同一款肉) 我真係覺得好伏,好吾憤氣,呢個係我第一次寫嘅負評,真心可以吾使試。以上都係我嘅真心體驗。再唸起食旺角果啲仲好過佢。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-15
1091 瀏覽
每次行過路過都比佢個門口吸引住,所以決定去試個set lunch,估唔到價錢又幾親民,平均六七十蚊就有,炸豬扒飯、拉麵、烏冬、丼飯等等,選擇都唔少,而且唔算多人又無限時,下次行開都會再去試其他。🥢什錦鍋燒烏冬 配 熱檸水 $68⭐️⭐️⭐️什錦鍋食材有一隻炸蝦天婦羅、兩件炸雞、雞蛋同冬菇各一,仲有超多紹菜,湯底非常清,一啲都唔油膩,媽咪話幾ok,另外烏冬份量稍多,多到食剩咗啲啲🥢日式牛肉鍋定食 配 凍檸茶 $62⭐️⭐️⭐️有好多牛肉、菜,仲有雞蛋、冬菇、金菇、豆腐......壽喜燒湯底味道都唔錯帶少少甜,不過牛肉就太瘦有啲鞋,成個鍋食晒食剩半碗飯二人共消費:$143 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-06
1691 瀏覽
今次是見到有二人同行一人半價的優惠過來試的,人均253元。🥢刺身有13款可供選擇,但竟然冇吞拿魚。有用冰托住保持新鮮,可以慢慢食。👍刺身數量: 發現四塊或以下嘅刺身數量都啱嘅,但多過四塊嘅就每樣幫我cut緊兩塊, 例如三文魚油甘魚我哋每樣叫咗十件,佢就畀咗8件我哋,叫咗八件就畀六件,叫咗六件就畀四件,連啲甜蝦都冇嚟到。留單情況嚴重😡😡😡👎👎👎味道方面: 比較好味我就覺得有馬刀貝,都幾爽甜,其次就有三文魚,帶子都唔錯。👍刺身切得好薄,完全影響個口感。👎唔好味就有油甘魚了,油甘魚紅波波,血腥味又濃👎壽司方面: 卷物同炙燒壽司,壽司我哋就叫咗赤蝦,蒜蓉帶子,和牛,黑松露帶子,拖羅蓉同埋海膽壽司,但啲壽司一嚟到呢全部都好乾爭爭,完全唔吸引。👎唯一覺得好味就係黑松露帶子壽司,個帶子都算大隻嘅配埋個黑松露味都夾。👍但個海膽軍艦壽司个味好腥,完全唔建議大家叫。👎講完刺身壽司就講下燒肉啦~其實首先一坐低,每一臺都會畀一盆肉畀你,有曬唔同部位嘅喇,有豬腩肉,西冷,肉眼,果味牛仔骨,牛脷,和牛胸腹。大部份嘅牛肉啦都冇乜牛味, 同埋D肉都比較瘦, 所以口感都好un. 連應該油脂最豐厚嘅肉眼,都可以一啲脂肪都冇,大家都可以想像到燒完之後係會變咗塊牛肉乾噉。👎👎唯一比較好味D就係個牛胸腹囉,油脂都比較平均,個肉就比較腍,同埋個牛味都濃嘅,所以之後我哋諗住只叫牛胸腹,但係問題又嚟喇,我哋明明叫咗十件,但來嘅時候又得返六件,到第三次叫嘅時候仲誇張,六件就變咗四件, 而且牛胸腹脂肪係好唔平均,同第一次嗰碟肉嘅質素差太遠,連唯一比較好味嘅牛肉都要令我失望。唉。。。👎熟食方面: 蒜片牛柳粒,反而呢個我覺得幾好味,個牛柳粒係好腍同埋個牛味都唔錯👍到炸物同天婦羅,天婦羅方面我覺得佢哋都整得唔錯嘅,個炸粉唔算厚,比較好味同特別小小就係呢個琉球涼瓜天婦羅,呢個系唔苦嘅,甘甘地仲甜甜地。另外都仲有炸蝦都做得唔錯,大大隻都幾好味。👍炸物方面都幾多選擇嘅,比較好味嘅呢就係有呢個炸榴槤球,榴槤餡都幾香,鍾意食榴槤嘅朋友都會幾鍾意嘅。👍其他炸物哩都算唔錯嘅,不過唯一唔好咋佢哋每一樣都好大件,食得多都會好油膩好容易飽肚,如果每樣細件返小小咁就最好喇。仲有串燒類,除咗菠蘿比較好味少少之外,其他都係燒到好乾。👎👎有啲搞笑啦就係其中一項竟然係特色雞翼,雞翼都總共有七款選擇,如果鍾意食雞翼嘅朋友都可以喺度開個雞翼party, 但我就冇叫喇。同埋想講下呢度有一項叫收費食品,撳入去睇以為係咪有啲特別嘢食啦,但原來都係一啲其他放題會有嘅嘢食,例如炸蠔,虎蝦,羊架等等。。。🤔最後就係甜品類,menu上有九款雪糕可以叫,我就食咗haagendaz 嘅焦糖脆餅雪糕,這款已經係咁多款比較吸引嘅喇,其次我朋友話牛乳豆腐雪糕都幾好味。除咗雪糕之外,出面都有幾款蛋糕仔可以食。飲品方面呢就唔多選擇, 只有七喜, 可樂, 薑母茶, 蔬菜汁, 呢個西柚菠蘿汁。不過飲品選擇少我都冇乜所謂嘅,平時食放題我都好少飲好多嘢。不過食完飯係最後諗住飲杯水啦,點知杯水係勁大陣咖啡味囉,我估啲碗碟都冇洗得好乾淨。🤮🤮👎👎👎 繼續閱讀
(以上食評乃用戶個人意見 , 並不代表OpenRice之觀點。)