School Food (已結業)

韓國餐廳雖然係九龍灣區都有幾間，但天氣太熱，唔想行得太遠，就同同事去左德福既 School Food。Lunch Set 有齊小食、主菜、飲品同甜品，價錢由 $68 至 $88 不等，還可以。小食叫左粟米脆球同炸餃子，兩者都比較乾身，只是一般…主菜有花蛋飛魚子鐵鍋飯 - 蛋幾滑，鐵鍋熱辣辣，慢慢食都可以保持熱溫，但就無咩肉，整體都算OK。另外仲有卡邦尼年糕 - 材料簡單，年糕份量足夠，有少量洋蔥同煙肉，汁都幾濃。甜品就無得選，係指定既。今次係柚子糕，不會太甜，幾好。