韓式薄餅 (已結業)

之前HAN'S PIZZA休業左一段時間, 在歸家途中發現佢原來未執, 好與奮! 今晚決定同男友叫PIZZA外賣, 佢既PIZZA真係我SO FAR食過咁多個PIZZA最能令我回味無窮的!每次叫外賣都係由韓國店主(我估)送黎的, 佢行到大汗叠細汗, 其實都有D唔好意思....但佢D PIZZA真係好好食架!我地又係叫左個黃金烤肉PIZZA, 成個批係用天然酵母FLOUR整, 面既料係韓式牛肉, 辣肉腸, 煙肉, 西蘭花, OLIVE 同芝士, 個批邊係我既至愛, 有黃金蕃薯, 而佢有D芝士圍住個批邊, 烘到燶燶地, 好好食呀!!!!!佢每次都送個酸瓜同蘿蔔, 醃得都好好食架!我地兩個人食完之後好滿足, 真係乜都唔想做呀!!!! HAPPY SUNDAY!