自家製韓國刀削麵 (好順景大廈)

營業中

休息中

🍜韓國刀削麵，係一種手工製作麵條，麵團經過揉捏後，用刀切成條狀，形狀似烏冬，有別於中國嘅刀削麵形狀不一。麵條顏色偏黃，而口感方面，較為Q彈有咬口。揀咗兩款唔同嘅湯底韓國牛骨湯刀削麵 $78牛骨湯底經過長時間熬煮，味道濃郁，配上三片牛腱。店員話隱藏食法，加入桌面韓式辣醬，即可成為美味的辣牛骨湯。花甲湯刀削麵$78湯底充滿海鮮嘅鮮味，花甲鮮甜冇沙。兩個湯底比較，我自己鍾意花甲湯底多D😋海鮮煎餅$68最後是海鮮煎餅，煎得金黃，外皮略為焦脆，裡面有韮菜同海鮮粒，蘸醬油醋一起吃，增添韓式風味。第一次食韓國刀削麵，非常滿意，大大碗有湯有麵，comfort food。