露面手工拌麵料理

營業中

休息中

我向來都鍾意食麵，見到有呢間手工麵店覺得吸引，唔算好大間，但望入去覺得乾淨企理，咁就入去食咗兩個午餐。午市限定，有一人拌麵套餐及一人伴飯套餐，$82抵食。第一個套餐揀咗油拌辣子滷肉麵、麻辣雲耳及蜂蜜綠茶。油拌辣子滷肉麵真係好好食，闊身的麵質超滑，表面有少少油的口感，呢種唔係膩，半肥瘦滷肉，味道濃郁，分量豐富，我揀了中辣，唔算好辣，剛好。第二個套餐揀咗秘製香糟醉雞，一碗滷肉飯及追加野生松茸鮮雞湯。醉雞味道幾特別，啲雞唔肥唔瘦我覺得幾好食，滷肉飯都好，如果汁多啲更好，一碗飯份量啱啱一個人食，雞湯真材實料都好好味。