影片
更多
2020-09-17
132 瀏覽
自己真係好耐未試過去食一餐 Long Lunch，今日難得有機會見番啲舊朋友，所以就特登搵咗一間好好食嘅餐廳，當係大家一齊慶祝限聚令的放寬。我哋本身都鍾意食中菜，但係其實要搵一啲好嘅中菜餐廳，而又唔會太迫，坐得都舒服嘅，其實喺九龍嘅選擇都冇乜好多。所以我上網搵咗好耐，就搵咗呢間餐廳，呢間餐廳勝在近地鐵站，方便大家，太子站B出口行2分鐘就到。同人一齊食飯，如果間餐廳好隔涉，一定會俾人鬧。所以呢間餐廳正符合我嘅心水。一推開門入到去嘅時候，見到餐廳有8至10張枱，裝修亦都充滿着好古舊嘅中國風，然之後原來已經坐滿左，所以店員就慢慢地但係我哋上一樓，一樓的裝修同地下一樣咁雅緻，同埋一樓亦都會有專屬嘅店員，亦都比較寧靜。我哋坐低嘅時候，一開始就叫咗香片。餐廳嘅擺設亦都好靚。我地叫咗四款餸，我哋叫咗個鵝三寶、滷水雙拼、豆醬煮海魚同埋魚露浸花甲。呢到嘅老藥桔亦都好正，$20，特別係凍飲，味道有啲似嘉應子。特別解渴。鵝三寶，$198，有齊鵝肉、鵝腸、鵝肝，而且下面亦都有豆腐。佢呢到嘅滷水汁唔會特別鹹，應該精心調校過，滷水唔會冚過左食物嘅味道，所以呢度係食物質素為主，滷水係一種輔助嘅性質。鵝肉本身一啲都唔
我哋本身都鍾意食中菜，但係其實要搵一啲好嘅中菜餐廳，而又唔會太迫，坐得都舒服嘅，其實喺九龍嘅選擇都冇乜好多。
所以我上網搵咗好耐，就搵咗呢間餐廳，呢間餐廳勝在近地鐵站，方便大家，太子站B出口行2分鐘就到。
同人一齊食飯，如果間餐廳好隔涉，一定會俾人鬧。所以呢間餐廳正符合我嘅心水。
一推開門入到去嘅時候，見到餐廳有8至10張枱，裝修亦都充滿着好古舊嘅中國風，然之後原來已經坐滿左，所以店員就慢慢地但係我哋上一樓，一樓的裝修同地下一樣咁雅緻，同埋一樓亦都會有專屬嘅店員，亦都比較寧靜。
我哋坐低嘅時候，一開始就叫咗香片。餐廳嘅擺設亦都好靚。
我地叫咗四款餸，我哋叫咗個鵝三寶、滷水雙拼、豆醬煮海魚同埋魚露浸花甲。
呢到嘅老藥桔亦都好正，$20，特別係凍飲，味道有啲似嘉應子。特別解渴。
鵝三寶，$198，有齊鵝肉、鵝腸、鵝肝，而且下面亦都有豆腐。佢呢到嘅滷水汁唔會特別鹹，應該精心調校過，滷水唔會冚過左食物嘅味道，所以呢度係食物質素為主，滷水係一種輔助嘅性質。
鵝肉本身一啲都唔梅，而且切得非常好，唔會食到碎骨，每一舊個厚度都適中，可以分兩啖去食。
鵝肝要趁熱食，因為凍咗之後會變得硬身，影響咗口感。反而啱啱送上嚟嘅時候，熱熱地，就特別鬆軟。
鵝腸真係要特別一提，因為佢真係好爽，好食過我之前食嗰啲。
之後就係呢度嘅魚露浸花甲，$158，花甲係凍食，非常新鮮，原來餐廳每朝早都會入貨，所有海鮮都係即日即整，花甲一食即甩榖，鮮味十足，而且有埋魚露，更香。
豆醬煮海魚，$198，佢係用黃花魚，魚肉出奇地非常滑，加上豆醬嘅香，食落去嘅時候，係好清新。
呢度嘅五花肉亦都係我嘅至愛，厚肉肥膏，啖啖肉，配埋白飯/白粥就一流。
張貼
