非凡小廚 (已結業)

土瓜灣非凡小廚，小菜選擇頗多，碟頭亦幾大份。一坐低，未揭餐牌，已經被牆上嘅手寫餐牌吸引住。首先已經order左個蒸飯，因為知道要啲時間整。魚肚粟米羮（$20/位）原來一位份量都幾多，比一般飯碗大。魚肚同粟米落得足，再加埋蛋花獻，好好飲。椒絲腐乳炒唐生菜（$68）好大碟，好好送飯。芥末一口牛（$88）我初頭以為芥末一口牛係前菜，原來係一大碟小菜！夠鑊氣，牛肉有少少供鼻，夠刺激，越辣越想食！壓軸登場係籠仔斑腩蒸飯（$138）估唔到咁大籠，足夠4人共享！飯粒索滿鮮味同荷葉香，班腩比得幾多，啖啖肉！怕談味？再加少少蒸飯豉油撈飯食，仲正！