火水爐花膠館 (已結業)

鐘意食花膠雞，所以決定一試，結果換黎非一般既結果 裝修算特別，位子唔算好多但都滿座，每枱既聲量加音樂播放好大聲，難以同朋友傾偈。 雖則一個價錢任食，但食正餐前又比一堆小食你又要KO個雞煲先可以正式打邊爐，所以係限時1.5小時下係淥爛嘴咁食。 係食呢個花膠雞煲前，有食過其他不同主打花膠雞既店舖，呢間係質素最低果間，湯底淡、雞唔算嫩、無敵多白蘿蔔墊底，所以食左1/3夾硬撈晒煲內啲嘢出黎就直接叫店員換打邊爐，好失望! 至於服務態度非一般既原因係上菜唔算勁快，我地已經好努力咁食，可能出黎又有好多客等，店員有催好幾次，了解本身講限1.5小時，但個爐仲有好多食物時逼住浪費/淥爛個嘴，既浪費食材，又為我地留下一個對此店"非常好"既印象！隔日我地發現被收多左同一張單多一次錢，經過多番交涉 (歷時數日、多通主動打出既電話)，幾經波折，所謂經理先願意退多收多左既錢。過程非常之唔愉快，好後悔貪新鮮，以後都唔會再黎幫襯。之前有係其他火鍋店試過被收多錢，但人地好好，就算埋左數都即時check單、可以即時安排我地幾時拎返cash，又唔洗簽收任何文件。所以凡有有對比，就知道咩叫好，咩叫非一般