華嫂冰室 (已搬遷) 新店位置

數數手指已經係第5次嚟華嫂啦！每次都門口大排長龍，但好彩水準仍然都保持得到！嚟華嫂必食招牌菠蘿包，個包除咗D涵夠豐富，有蛋有牛油有番茄，個包本身其實都好好味！唔知係自家整定係向邊度送嚟架呢？！因為真係好好味！成個Combination都可以話係一絕！😋😋😋另外番茄湯午餐肉豬扒丁麵都好有自家風味，同勝香園各有特色！呢度湯底都好濃，屬於有心製作的自家番茄麵！豬扒咬落夠鬆幾好！最後當然唔少得嘆返杯話梅柑桔啦！每次嚟都必叫！因為實在無理由又係咖啡奶茶檸茶掛？！總之鍾意食菠蘿包既朋友必定要山長水遠入到嚟屏山吔返個啦！