蔡瀾越南粉 (已結業)

蔡瀾呢位咁德高望重嘅食家開越南粉餐廳，當然係近期最矚目嘅一間新餐廳。聽聞由開幕到而家仍然日日大排長龍，所以我都特登早啲黎排隊。星期日下晝5點幾，餐廳內已經人頭湧湧，當大概7點時，排隊人數已經有大約20人，真係魅力沒法擋。特別牛肉湯河粉 $128第一次黎當然要食呢碗招牌冒樣樣齊河粉，有齊生牛肉、金錢腱、牛丸、牛筋、牛腩、牛鞭、牛栢葉咁多款配料。當飲第一啖湯既時候，我既內心真係被湯既甜味溶化，無諗過咁清澈既湯底會有咁突出咁鮮甜既味道，真係一試難忘！香茅烤豬頸肉 $58豬頸肉烤得金黃，充滿亮澤，件件都爽口惹味，旁邊仲有生菜同蘿蔔絲可以夾埋一齊食，非常體貼同適合夏天食～！越南多色冰 $28呢杯係我最愛既多色冰，因為色彩繽紛，真係落足料，而且只係28蚊！呢杯既餡料就好似係平時既三色冰同珍多冰混合版一樣，咬落口感豐富，仲好飽肚添！榴槤雪糕 ＄39如果你係榴槤忠實粉絲，你一定會覺得好正！因為我都食到停唔到口，榴槤味好真實濃郁，雪糕下有麵包脆脆緩和一下甜度。