A.T.A.S

營業中

休息中

同朋友去銅鑼灣行街，之後去邊寧頓街嘅ATAS食飯，餐廳是以新加坡菜為主題嘅快餐店，店員是新加坡人，餐廳嘅環境好有文青feel，打卡亦可以！Laksa 叻沙粗米粉，叻沙湯底顏色紅噹噹，味道帶濃郁椰香，有少許辣。配粗米粉又滑又有口感，配料蝦仁和魚蛋好爽口，豆卜和蛋索左濃湯好惹味！咖喱雞胸麵，湯底也是叻沙濃湯，材料有低溫慢煮雞胸、豆卜、馬鈴薯、菜心。慢煮的好處除了可以保持肉質嫩滑，也可令肉受熱平均，不會外面熟，入面生，有些營養也因低溫烹調而得已保存，雞胸肉冇骨啖啖肉，沾滿叻沙濃湯更惹味！咖椰爆漿，將咖椰、牛油、花生醬、巧克力榛子醬及煉奶加入香脆的多士內，再撒上美綠粉，每一啖都充滿香甜醬料，超級邪惡！超級好味！美祿爆炸，面層撒上大量美祿粉、美祿脆脆和一塊美祿餅乾，味道極濃郁而且有多種口感！黑白仙草豆醬，即是馬來西亞的豆奶涼粉，除了可以飲到濃濃豆香的豆漿外，底下還有QQ的仙草凍，可品嚐仙草膠質的豐富口感。