麻辣派對 (金百利廣場) (已結業)

之前已經食過呢間專食辣野嘅餐廳，對佢地嘅印象都唔錯，今次心血來潮同朋友再次幫襯。餐廳環境比較暗，天花板有色彩繽紛嘅花朵作裝飾，名附其實地有派對嘅感覺。✨酸菜魚（江團）（$198）餐廳有多款唔同嘅魚類可以揀，每款嘅價錢都唔同，我同朋友就揀左最平嘅江團魚。價錢雖然平但味道一點都唔馬虎，魚肉份量非常多，口感幼滑，一啲骨都冇。酸菜湯底就略嫌唔夠入味，但整體而言性價比好高。✨七味雞軟骨（$88）每次都會點嘅炸雞軟骨——剛剛新鮮炸起，口感香脆係基本，上面按喜好加上七味粉，非常惹味。✨麻辣去骨鳳爪（$68）我自己就冇咁鍾意呢道菜，食落味道偏辣，都幾重口味，口感爽脆，但我自己會偏向鍾意煮得好腍嘅鳳爪多啲。