影片
更多
2019-10-31
678 瀏覽
天氣開始轉涼，最啱就係打邊爐啦！今晚嚟嘅依一間火鍋餐廳，全晚都播住周杰倫嘅MV，坐落都幾闊落，夠晒舒服。一開波服務員就奉上九宮格醬料等我哋自己配搭。Hoegaarden Rosee 紅桑子白啤：清爽甜美，女士應該幾鍾意。呢個就係我哋今晚揀選嘅火鍋套餐。自家製鱈魚皮 / 和牛響鈴：鱈魚皮炸得夠曬香脆，和牛響鈴外脆內軟，牛肉配上金黃色脆皮，正！澳洲和牛：齋睇賣相已經係一流，紋理分布均勻，牛味亦都夠曬濃。另外，服務員都有細心同我哋講解澳洲和牛啲級數係點分，又學到嘢喇。Beef marbling standard (BMS)主要係睇油脂分佈嘅狀況嚟判斷牛肉嘅好壞，由最差嘅1到最好嘅12共分12個等級。海鮮拼盤：個拼盤有澳洲白鱔、蟶子皇、海蝦、花蛤、扇貝同鮑魚，夠曬豐富。鮑魚爽滑，海蝦亦都夠曬新鮮，簡直令人食指大動！日本華味鳥雞柳：啲雞肉幾嫩滑，完全唔會鞋口。海鮮豬魚丸 / 韭菜餃：海鮮豬魚丸都幾特別下，作為一個打邊爐鍾意食餃嘅人，個韭菜餃皮夠薄，而且亦都足料，正合我心意。龍蝦湯泡飯：臨尾店員會用個湯底再配上日本靜岡珍珠飯同日本蛋，整個泡飯畀我哋嘆，泡飯索曬湯底嘅精華，非常入味。刨冰(鹹蛋黃醬及
Hoegaarden Rosee 紅桑子白啤：清爽甜美，女士應該幾鍾意。
呢個就係我哋今晚揀選嘅火鍋套餐。
自家製鱈魚皮 / 和牛響鈴：鱈魚皮炸得夠曬香脆，和牛響鈴外脆內軟，牛肉配上金黃色脆皮，正！
澳洲和牛：齋睇賣相已經係一流，紋理分布均勻，牛味亦都夠曬濃。另外，服務員都有細心同我哋講解澳洲和牛啲級數係點分，又學到嘢喇。Beef marbling standard (BMS)主要係睇油脂分佈嘅狀況嚟判斷牛肉嘅好壞，由最差嘅1到最好嘅12共分12個等級。
海鮮拼盤：個拼盤有澳洲白鱔、蟶子皇、海蝦、花蛤、扇貝同鮑魚，夠曬豐富。鮑魚爽滑，海蝦亦都夠曬新鮮，簡直令人食指大動！
日本華味鳥雞柳：啲雞肉幾嫩滑，完全唔會鞋口。
海鮮豬魚丸 / 韭菜餃：海鮮豬魚丸都幾特別下，作為一個打邊爐鍾意食餃嘅人，個韭菜餃皮夠薄，而且亦都足料，正合我心意。
龍蝦湯泡飯：臨尾店員會用個湯底再配上日本靜岡珍珠飯同日本蛋，整個泡飯畀我哋嘆，泡飯索曬湯底嘅精華，非常入味。
刨冰(鹹蛋黃醬及綠茶醬)：個鹹蛋黃醬刨冰其實係喜出望外，估唔到咁嘅配搭幾好味喎，綠茶刨冰味道亦夠曬濃，綠茶控肯定鍾意。
總括嚟講呢度環境唔錯，而且牛肉同海鮮嘅質素幾好，食完簡直係大滿足！
張貼
