Espuma (M88)

營業中

休息中

中環呢間 Espuma 個位超靚，喺 M88大廈，落地玻璃窗望到半山景 情侶成班姊妹都好啱~~~ 我地今次叫咗set dinner ，有前菜/湯/主菜同飮品前菜有三種，分別係甘筍忌廉湯、芝士黑松露薄多士同巴馬風乾火腿沙律。甘筍忌廉湯入口順滑，甘筍香甜多士脆酥帶有濃郁芝士同埋黑松露獨有嘅香味。火腿沙律則是清新清爽，配以新鮮時令蔬果，可以中和風乾火腿嘅咸香。主菜有香烤美式安格斯肉眼扒及西班牙豬腩卷。肉眼扒火候控制得宜，而且份量十足,肉質軟嫩多汁豬腩卷酥脆香口。味道口感十分豐富。而兩道菜都配上忌廉薯蓉及炒蔬菜作配菜,可以平衡肉食所帶嘅油膩感。黑松露芝士薯條。薯條酥脆香口,撒滿芝士粉同埋附上黑松露醬,香氣撲鼻。甜品為泰式奶茶麻糬窩夫配雪糕。窩夫外脆內軟，入面仲有口感煙韌嘅麻糬，配埋好有泰國風味嘅泰式奶茶醬，仲有清新嘅雪糕，令人好有泰國嘅感覺。飲品有招牌水果茶,清新爽口,入面有多款生果，口感好豐富。