Espuma (M88)

營業中

休息中

餐廳嘅裝修風格係工業風，有落地玻璃可以望到街景都幾舒服，最啱幾個朋友坐低食啲嘢飲杯嘢傾吓偈。海鮮拼盤（鮑魚，翡翠螺，帶子，青口）海鮮拼盤都幾豐富，同埋set dinner都幾抵食，比較鍾意帶子同鮑魚。香芒牛油果蝦沙律沙律個汁幾開胃，芒果同牛油果嘅配搭勁夾。檸汁醃鮮吞拿魚，乾蔥，脆甜薯片，紅甜椒汁吞拿魚配埋個甜椒汁，食落去好有層次，做前菜好適合。辣味蟹肉撻個蟹肉撻一咬落去味道好豐富超重蟹肉味，下面啲米通鹹鹹地幾好味。芝士焗法式洋蔥法國鵪鶉鵪鶉都幾多肉開埋個洋蔥汁食好惹味。鮮茄海鮮湯個海鮮湯飲到用咗好多蝦殼嚟煮，同埋我幾鍾意佢有啲辣味，唔會咁單調。波士頓龍蝦西班牙燉飯隻波士頓龍蝦都幾大隻，用燒烤嘅方式處理蝦身好乾身同埋好香口，蝦膏係實膏嚟嘅，另外我都幾鍾意佢個燉飯個汁嘅處理方式。西班牙橡果黑毛豬柳西京汁珍珠麵個珍珠麵口感幾得意，咬落去有少少薯仔嘅感覺嘅麵團，個汁有啲蘑菇調味我都幾鍾意，個黑毛豬柳好好食，好重肉味。