影片
更多
2022-11-28
23 瀏覽
宴·鐵板燒坐落於享環天后最高層，可以觀看整個天后高樓大廈，餐廳更提供小露台比咁多位到時打卡之用。餐廳仲有一大特色，提供左鐵板燒omakase，以刺身為頭盤，鐵板燒為主菜，先以鮮甜，打開味蕾，後以各式各樣味道刺激味蕾。是次小編選擇左餐廳special menu一共有13道菜連甜品（$1280+10%），前菜有刺身或壽司選擇，可以一人揀一款，一次過食晒唔同口味。前菜爽口又大隻嘅響螺，鮮甜肥美，再配上刺身醬油，更可令味道更濃厚。自家製北海道鮟鱇魚肝鮟鱇魚肝配上脆香嘅麵包，充滿濃郁嘅魚肝加上軟軟綿綿嘅口感，完全感受唔到苦澀同魚腥味，非常之出色。刺身 要由深海池魚食先，味道較為鮮甜、略帶油香。之後到銀鱈魚口感細嫩滑溜，唔點豉油仲可以食到魚香。最後，拖羅部分唔洗講，油脂甘香、入口即溶，所以廚師建議最後食。壽司要由深海池魚開始食，之後到拖羅，最後到秋刀魚，秋刀魚加上蔥花，略帶微辛，可以提鮮香。所有壽司都經過火灸，油脂感滿分。兵庫縣室津真蠔海水味較濃烈，不過主廚特意加入自家製柑橘醬，中和過多嘅海水味，令唔同人都接受到。日本淮山鮮濃魚湯本店用左深海魚及日本淮山熬出嚟，令到湯濃以不腥，飲完之後小編都暖入心
坐落於享環天后最高層，可以觀看整個天后高樓大廈，餐廳更提供小露台比咁多位到時打卡之用。餐廳仲有一大特色，提供左鐵板燒omakase，以刺身為頭盤，鐵板燒為主菜，先以鮮甜，打開味蕾，後以各式各樣味道刺激味蕾。
是次小編選擇左餐廳special menu一共有13道菜連甜品（$1280+10%），前菜有刺身或壽司選擇，可以一人揀一款，一次過食晒唔同口味。
前菜
爽口又大隻嘅響螺，鮮甜肥美，再配上刺身醬油，更可令味道更濃厚。
自家製北海道鮟鱇魚肝
鮟鱇魚肝配上脆香嘅麵包，充滿濃郁嘅魚肝加上軟軟綿綿嘅口感，完全感受唔到苦澀同魚腥味，非常之出色。
刺身
要由深海池魚食先，味道較為鮮甜、略帶油香。之後到銀鱈魚口感細嫩滑溜，唔點豉油仲可以食到魚香。最後，拖羅部分唔洗講，油脂甘香、入口即溶，所以廚師建議最後食。
壽司
要由深海池魚開始食，之後到拖羅，最後到秋刀魚，秋刀魚加上蔥花，略帶微辛，可以提鮮香。所有壽司都經過火灸，油脂感滿分。
兵庫縣室津真蠔
海水味較濃烈，不過主廚特意加入自家製柑橘醬，中和過多嘅海水味，令唔同人都接受到。
日本淮山鮮濃魚湯
本店用左深海魚及日本淮山熬出嚟，令到湯濃以不腥，飲完之後小編都暖入心，主廚更提醒要熱飲，確保鮮甜美味。
鐵板燒
香草牛油紐西蘭海蛪蝦
海蛪蝦係平時用嚟作刺身，以今次用嚟鐵板燒，好考廚師功力。結果係令人食完又想食，配上自家製香草牛油，令到蝦更加香脆。
北海道帆立貝配三文魚籽
大大粒嘅帆立貝，先煎香脆兩面，再擺上自家製醬油上，添加左鮮咸香。另外配上三文魚籽，令到色香味俱全。
法國鵝肝配自家製藍莓醬
以鐵板燒煎出嚟嘅鵝肝，香味十足，配上香脆麵包，及酸酸甜甜嘅藍莓醬中和過多嘅油脂感，唔會影響之後嘅菜式。
澳洲M9牛舌
口感十足，油以不膩，充滿牛香。
美國特選牛肉
餐廳提供牛柳同薄牛肉選擇，小編揀左一人一款，可以試晒唔同口味。廚師會問你揀幾成熟，小編揀左5成熟，牛柳十分滿意，由一大塊牛柳切成一口牛，唔會有韌。另外，薄牛肉係包住炸蒜同蔥，味道十分衝激，如果唔想咁重口味，可以揀牛柳。
黑松露蟹肉炒飯
最後收尾嘅時候，每一啖都充滿黑松露嘅味道，加上蟹肉，野生嘅味道同海鮮嘅味，完全結合左一齊。食到小編好飽肚。
炒什菜
注重營養嘅餐廳，蔬菜係每日所需嘅食品，照顧每一位食客嘅所需。
甜品
黑芝麻雪糕同柚子雪批，鐘意淡口味嘅可以揀黑芝麻，以想酸酸微微嘅可以揀柚子雪批。
張貼
