Harbourside Grill

營業中

休息中

同閨蜜慶生，閨蜜揀左海港城呢間海景餐廳。餐廳環景確係好正，全海景，仲可以行出出面影相，不過我地呢個時間黎就只有terrace menu，野食就唔多選擇。法國粉迪加蠔(6隻)配醃青瓜及氈酒沙冰生蠔好鮮甜，仲好大隻，加左青瓜同氈酒沙冰，令到生蠔更鮮。牛油果羽衣甘藍藜麥蘆筍沙律配柚子醋沙律菜好新鮮，羽衣甘藍唔苦，將沙律菜墊係藜麥上面，令到藜麥可以吸收哂沙律同菜汁。黃鰭吞拿魚300g 吞拿魚只煎到外面熟，裡面仲保持住生，粉紅色，咁樣肉質就唔會鞋。焦糖朱古力撻配紅莓雪芭朱古力撻本身已經夠甜，再配埋焦糖就更甜，好彩加左紅莓雪芭中和返個味道。意式奶凍配士多啤梨啫喱奶凍都幾滑，味道偏淡。