影片
港鐵尖沙咀/尖東站 A1 出口, 港鐵尖沙咀/尖東站 C1 出口, 港鐵尖沙咀/尖東站 L5 出口, 港鐵柯士甸站 F 出口
繼續閱讀
電話號碼
26199100
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
相關文章
之前為咗同另一半慶祝生日，選擇咗呢一間位於海港城可以飽覽美景的西餐廳去用膳。其實之前睇到某啲負面食評都曾經擔心過，不過最後發現我嘅擔心係多餘的。用膳當日係週末的夜晚，有客人想Walk in都冇位，好在我預先訂咗位。而我喺訂位嘅 remark 到寫低左希望可以安排窗邊位，而最後餐廳的而且確有留低一張窗邊位俾我哋，非常讚賞。餐廳都算闊落，仲有無敵大海景，淨係食過景都飽。員工服務整體嚟講好好，有一隻碟有少少污糟咗，喺我察覺之前已經主動幫我換咗，亦都會樂意幫我哋影相，讚！當日有掙扎過究竟食套餐定係 a-la-carte，最後都係決定後者。我哋最後叫咗三道菜同埋一份甜品，包括 seafood platter、香煎鵝肝雞肝車厘子蜜餞奶油麵包以及澳洲M5和牛西冷，至於甜品我哋就叫咗開心果蛋糕配朱古力心太軟。個 seafood platter 都幾足料，有三文魚、吞拿魚、蝦、小龍蝦、青口，生蠔等等，味道尚算新鮮。至於個和牛西冷我略嫌厚咗少少，不過都係色香味俱全，口感一流。個人最推薦就係個鵝肝車厘子蜜餞奶油麵包，份量又唔算太大，唔會令你太飽肚，但係味道就一流。至於個甜品就中規中矩。由於我事前有同侍應溝通過想寫生日碟比我嘅另一半，而最後佢亦都係使命必達。最後食咗$1400 ，我覺得如果係慶祝啲特別日子，呢個價錢尚算合理。
繼續閱讀
@Harbour-side grill朋友加國回來相聚,想食港女tea,又想食靚景,我就諗到海港城呢間,睇完openrice食評覺得唔錯,即管嚟試試1.鹹點#雞肝鴨肝芭菲配無花果醬估唔到肝x無花果醬係咁夾,吾腥#松露雞肉酥皮盒滿滿松露味,酥皮鬆脆#牛肉他他配酸種麵包吾腥,似食緊拖羅#三文魚醬配香蔥小圓餅,味道ok,但可惜餅乾淋咗2.甜點#黑朱古力mousse爆炸糖,朱古力未夠濃,唔太苦,有層次,大人小朋友都愛吃3.飲品套餐包咖啡茶或冷萃氣泡茶,我哋揀咗氣泡茶,三十幾度高溫,感覺超爽,因為小朋友唔啱飲,侍應叔叔送咗三杯可樂畀小朋友總括嚟講, 呢間餐廳環境食物吾錯,又有靚景,不過可能天氣太熱,感覺冷氣唔夠,食物方面,鹹點比甜點做得出色,值得再嚟食
繼續閱讀
推介。lunch 好地方。1) lunch set 多choice 2) 唔多人3） 好坐4）靚景。一邊睇住維港景一邊享受住落地玻璃照入嚟嘅陽光享用美味午餐。5）食物質素高。6）頭盤唔使特登加錢已經有好高質素嘅選擇，我揀咗鯛魚他他。正！7）主菜，我揀咗最平嘅意大利燉飯，一樣係正！好濃嘅芝士同菇菌香，啲飯煮得啱啱好。8）餐包都好好食。9）唔使揀甜品都已經好夠。10） 冇包餐茶係有啲可惜，不過就正好有機會俾你出去再飲過杯真正好飲嘅咖啡。
繼續閱讀
位於尖沙咀海港城海運大廈的Harbourside Grill，憑180度維港海景和精緻西餐吸引食客，因此我為慶祝生日到訪，享用晚餐後印象深刻。點選USDA西冷牛扒，烤至五分熟，肉質嫩滑多汁，油脂香氣濃郁，配紅酒汁和薯條，味道層次豐富。甜品反烤蘋果撻，外酥內軟，肉桂香氣迷人，配焦糖雪糕完美收尾。餐廳環境典雅，落地窗外維港夜景令人陶醉，戶外露台更添浪漫氛圍。當天還有拍攝團隊在拍攝。平均消費約HK$400，性價比合理。整體而言，美食和無敵海景配合能打造難忘晚餐體驗，絕對是慶祝場合的理想選擇！
繼續閱讀
朋友同我慶祝生日，平日夜晚8:30pm到，早一晚已經book咗枱同埋講咗係慶祝生日飯，亦有要求坐window seat。有幾張半圓枱係望住海景去食嘢嘅，見到有張枱冇人坐，我問職員我可唔可以坐過去，佢話唔可以，嗰張枱係有人book咗，係for四人坐既。但係隔籬嗰幾張枱都係兩個人坐緊喎。（我食到餐廳11點關門，都唔見呢張所謂有人book咗嘅枱有人坐低食嘢）之後我見到有一枱走咗，我好禮貌問職員可唔可以調過去坐（嗰刻我都係啱啱坐低，連水都未有，無整亂過自己張枱），佢話有人book咗，之後我見到係有人坐，但佢哋都係兩個人咋喎，點解大家都係book咗位，但係佢哋兩個人可以坐望海景嘅位，但係我哋唔可以？我哋仲要早到過佢！重點係根本有吉枱，但係又唔俾我哋坐。完全唔明白職員係咩心理，咩安排？係唔係客人坐低咗就唔想煩唔想俾佢掉位？而其他嘅半圓枱係陸續好快就有人走咗，全部都冇人坐，如果係識安排嘅就會問我哋係咪想調過去坐，但係職員冇。成餐飯我就望住我哋好想坐嘅位，重點是冇人坐，但係又唔俾我哋坐咁樣去食飯。其實我哋都係因為個景所以先嚟食飯啫。好好的生日飯，因為職員不合理安排座位，完全扣晒分！
繼續閱讀