六両三 (已結業)

台灣牛肉麵喺台灣有平有貴，單單簡簡十幾蚊港紙到過萬蚊都有，豐檢由人。六両三喺香港牛肉麵界算中上價位，近百元一碗牛肉麵又係咪物有所值？牛腱好靚，筋位嘅jelly位Q彈Q彈，紅燒湯底濃郁無味精，食完都唔會口乾，粗身麵條煙煙韌韌，好有咬口。但牛丸麵更有驚喜，台灣直送嘅牛丸，非常彈牙，內充滿牛脂香，有啲似和牛牛丸。小食嘅甜不辣，非常煙韌，好好噍頭。可以配冬瓜茶等台式飲品，甜度有減配合返香港人嘅口味。服務都好好。