影片
更多
2019-01-30
28 瀏覽
以前細個同朋友一大班人有gathering , 通常第一下諗就會去食放題，人人都有野岩食，仲要可以食到刺身。依家人大左，去食放題既次數都少左好多，而且就算食放題，都無再好似以前咁瘋狂咁叫，自己一個人食一百隻甜蝦咁誇張，反而係享受可以一次過食到好多唔同種類既食物，每樣都可以淺嚐。百幾蚊，喺銅鑼灣其實都食唔到啲乜，去食放題係一個好選擇。食物種類夠多，壽司、刺身、熟食都應有盡有有啲可以自取既熟食，食住慢慢等野食黎飲品選擇好多連清酒都係任飲仲有海鮮冷盆，同有啲酒店buffet 差唔多甜蝦、大赤蝦各有特色視乎你想要爽滑口感定微甜蝦味壽司都唔錯，唔會太大件炸物又係每次必食，芝士年糕係我既最愛我回本必食既係羊架，今晚自己都食左八件八件既水準都有少少差異，但整體係唔錯既！依家買一排羊架都百幾二百蚊！所以其實餐廳賣羊架都幾揼本。最後雪糕雖然唔係任食，但係係有haagen-dazs 同埋movenpick 兩大品牌！又係回哂本！平時買一杯都要三十幾蚊，而且movenpick 既雲尼嗱雪糕真係咁多個牌子入面最好食架！所以，整體黎講，雖然無以前食得咁多，但去滿屋要食返回本真係一啲都唔難，因為佢啲用料無將價就貨
依家人大左，去食放題既次數都少左好多，而且就算食放題，都無再好似以前咁瘋狂咁叫，自己一個人食一百隻甜蝦咁誇張，反而係享受可以一次過食到好多唔同種類既食物，每樣都可以淺嚐。
百幾蚊，喺銅鑼灣其實都食唔到啲乜，去食放題係一個好選擇。
食物種類夠多，壽司、刺身、熟食都應有盡有
有啲可以自取既熟食，食住慢慢等野食黎
飲品選擇好多
連清酒都係任飲
仲有海鮮冷盆，同有啲酒店buffet 差唔多
甜蝦、大赤蝦各有特色
視乎你想要爽滑口感定微甜蝦味
壽司都唔錯，唔會太大件
炸物又係每次必食，芝士年糕係我既最愛
我回本必食既係羊架，今晚自己都食左八件
八件既水準都有少少差異，但整體係唔錯既！
依家買一排羊架都百幾二百蚊！所以其實餐廳賣羊架都幾揼本。
最後雪糕雖然唔係任食，但係係有haagen-dazs 同埋movenpick 兩大品牌！又係回哂本！平時買一杯都要三十幾蚊，而且movenpick 既雲尼嗱雪糕真係咁多個牌子入面最好食架！
所以，整體黎講，雖然無以前食得咁多，但去滿屋要食返回本真係一啲都唔難，因為佢啲用料無將價就貨，赤蝦甜蝦都任食，又有羊架同大牌子雪糕，今時今日黎講真係抵食！
張貼
