翠林辣蟹舫

營業中

休息中

呢間之間食過一次，覺得ok又想食下蟹，所以再食，餐廳環境古典優雅，座位舒適闊落似茶樓，每個座位仲有個蟹仔箍臣，服務員服務亦好好，係你食到咁上下嘅時候會幫你更換碗碟。鎭店之寶避風塘炒辣蟹$688原隻肉蟹咁上，蟹鉗超大隻，而且多肉，肉質仲好鮮甜，用上避風塘去炒，可以揀大中小辣。黃金流沙蝦球$38（2隻）用鹹蛋黃去煮，外皮差到金黃鬆脆，抹上鹹蛋黃碎，好香口，而且蝦仲好大隻，新鮮爽口，鋪滿炸米粉。整體而言食物質素唔錯，廚房師傅功夫到家，炒既小菜都好夠火候，可以六人一台，同埋而家好多餐廳都係開到10點，呢間係開到11:30，可以坐耐啲。