火土燒肉

火土燒肉 (尖沙咀）📍地址：尖沙咀內河道18號K11藝術購物館3樓314號舖=============最近呢間以露營為主題嘅燒肉餐廳真係好Hit😳 佢嘅門口已經係一個露營打卡位，入到去更加不得了，用咗好多露營用品做裝飾，仲有啲露營書添！食物方面主要係以燒肉為主，但都有其他小食😍！我地叫左：▶️牛里脊肉▶️牛肋肉▶️牛胸腹▶️牛外橫膈膜食燒肉一定要叫🥩牛肉啦！佢嘅牛肉仲有多款唔同醬汁揀，個人比較鍾意燒肉汁，另外都試咗月見松露汁，蛋味香濃，都係一個唔錯嘅選擇😳 至於牛肉方面，我覺得牛里脊肉最為出色，無論味道同肉質都相當唔錯❤️▶️蒜蓉牛油金菇份量唔算多，但金菇同時配上蒜蓉加牛油味又確係出色☺️▶️明太子蟹棒明太子醬都幾多，同蟹棒味道都match▶️牛油燒廣島蠔牛油味幾出，廣島蠔味道偏甜，而蠔肉肉質都嫩滑▶️炸軟殼蟹炸得幾脆，唔會太油，仲大大隻▶️抹茶粉雲呢拿雪糕雪糕上面竟然仲跟埋蕨餅，真係大滿足！佢嘅雲呢拿雪糕非常軟滑，而且做到即時解膩嘅效果😳呢間餐廳整體嘢食唔錯，最後我仲同朋友瘋狂影相打卡🤣 係一個幾好嘅節目！