火土燒肉

近年好hit露營⛺️我都購入咗好多露營裝備啊～但係最近熱死辣辣冇得玩住🤔唔緊要！尖沙咀K11 Art Mall最近新開左一間露營風燒肉店，可以嘆住冷氣一邊露營一邊食燒肉～係非常有趣嘅體驗！餐廳佔地面積超大，無論裝修定係設置都滿佈各種露營帳篷、露營用品等等，引來好多人朝聖！就算平日夜晚都座無虛席，非常之受歡迎👏🏼呢度最大嘅特色就係燒肉之後唔會成身味道，燒烤爐吸味功能唔錯！豬雞特選拼盤 $348包含多款豬肉同埋雞肉唔同嘅部位，有豚里脊肉、豚五花、松阪豬頸肉、雞腿肉、雞翼同埋雞爽肉。我就最鍾意豬頸肉，爽口又唔會太肥，點埋燒肉醬更惹味！內臟拼盤$188有雞心、雞腎及雞肝三款雞內臟，口味同埋口感各有特色，其中雞肝係用錫紙兜裝，需要用一個特別嘅夾夾入去燒，醬汁超級惹味，用嚟撈飯食一流呀～燒野菜拼盤$98食得太多肉，需要食啲蔬菜中和一下！呢個野菜拼盤就包含咗南瓜、秋葵、杏鮑菇、茄子、栗米芯，我就最鍾意杏鮑菇，南瓜都好香甜。薄切香蔥牛舌$88薄切快啲熟，口感爽彈～配搭香蔥口味更有層次。玉子海苔飯$28滿滿嘅海苔中間有一隻蛋黃，撈埋一齊食配搭燒肉，夠晒飽啊！