影片
更多
2021-05-11
367 瀏覽
前排食過尖沙咀午市既酒鍋覺得質素唔錯, 朋友話CWB依邊環境靚仲有海景, 仲有個新既牛氣沖天套餐, 就BOOK定位同個餐HAPPY FRIDAY黎試下!wow依度個景真係好得, 維港景觀好開揚, 岩岩仲要撞正日落, 坐係度望住個景都身心舒暢呀, 真係忍唔住即刻影番幾張相!wow完個景, 見到店員捧住裝滿食材既大木環行出黎, 忍唔住再wow左一下! 唔同既花花形狀牛部位, 三款唔同口味既餃, 手打丸, 蔬菜等等, 砌到靚靚藝術品咁係圓環上面, 跟住店員又放低牛骨鍋, 牛骨鍋撐住腐皮, 蘿蔔絲同鵪鶉蛋製成既鳥巢, 超靚超打卡able!!! 說時遲那時快, 店員話仲有個牛氣沖天儀式, 原來係乾冰效果, 依個乾冰效果令我地wow左第3下, 澎拜震撼勁吸睛, 絕對會吸引左全場目光, 因為放煙效果真係好矚目下!泰式船麵牛骨湯底同上新鮮牛骨熬煮五小時, 絕對濃郁, 而且加入左新鮮豬血, 所以就咁睇顏色都見到比平時既湯底深色同厚身, 而且仲越煲越杰添!牛肉類(共七款部位)日本飛驒牛是晚最top既一款牛, 可以見到油花豐富, 色澤粉嫩, 靚牛唔洗咁熟, 拖兩拖就食得, 有入口即化既口感, 油香滿滿!頂級
wow依度個景真係好得, 維港景觀好開揚, 岩岩仲要撞正日落, 坐係度望住個景都身心舒暢呀, 真係忍唔住即刻影番幾張相!
wow完個景, 見到店員捧住裝滿食材既大木環行出黎, 忍唔住再wow左一下! 唔同既花花形狀牛部位, 三款唔同口味既餃, 手打丸, 蔬菜等等, 砌到靚靚藝術品咁係圓環上面, 跟住店員又放低牛骨鍋, 牛骨鍋撐住腐皮, 蘿蔔絲同鵪鶉蛋製成既鳥巢, 超靚超打卡able!!! 說時遲那時快, 店員話仲有個牛氣沖天儀式, 原來係乾冰效果, 依個乾冰效果令我地wow左第3下, 澎拜震撼勁吸睛, 絕對會吸引左全場目光, 因為放煙效果真係好矚目下!
泰式船麵牛骨湯底
同上新鮮牛骨熬煮五小時, 絕對濃郁, 而且加入左新鮮豬血, 所以就咁睇顏色都見到比平時既湯底深色同厚身, 而且仲越煲越杰添!
牛肉類(共七款部位)
日本飛驒牛
是晚最top既一款牛, 可以見到油花豐富, 色澤粉嫩, 靚牛唔洗咁熟, 拖兩拖就食得, 有入口即化既口感, 油香滿滿!
頂級安格斯牛小排
油花分布均勻, 肉質鮮味滑嫩, 雖未至飛驒牛頂級, 但亦係高質部位!
牛脷
薄片灼一灼口感即變得脆口, 牛味香。
牛胸爽
入口即化, 牛脂味香濃, 但入口亦唔覺得膩。
牛心頂
主要食佢既爽脆口感。
仲有牛展同埋牛筋, 淨係食牛都夠哂滿足!
手打丸類+特色餃類
手打蝦丸墨魚丸, 一口一粒好彈牙! 而餃既味道創新又好味, 其中既黑松露蝦蟹同芝士紫菜蝦蟹, 真係依度先食到, 內餡飽滿, 黑松露同埋芝士味道又唔會太OVER, 唔會蓋過左蝦蟹既鮮味, 韮菜豬肉餃亦一樣飽滿好味呀!!
即炸紫菜手工響鈴
響鈴炸得鬆脆, 加入紫菜味道更香, 拖一拖湯, 索左湯既精華, 正~~
避風塘脆炸鮮魚皮
份量多, 魚皮夠厚身夠脆, 食落唔會硬掘掘, 加左D辣粉落去變得更惹味。
蔬菜類
車厘茄, 秋葵, 南瓜, 雞睥菇, 靈芝菇
竹蔗茅根 + 紫貝天葵
紫貝天葵竹酸酸MAYMAY好似酸梅湯咁, 開胃解膩一流. 而蔗茅根就清甜解渴, 唔會死甜, 打住邊爐飲冇得輸, 而且兩款飲品都用左電燈泡造型呈上, 又係打卡ABLE!!
講真依個餐份量真係好大, 依度二人份量好似三人咁, 勁飽勁滿足, 當然除左食物質素外, 佢仲帶比我既視角衝擊, 淨係個靚景同開頭牛氣沖天個下都開心, SERVICE又好會主動收碟同加湯, $488/位真係值回票價!
張貼
