Ikigai Concepts (已結業)

鐵板燒：坐低咗好耐，啲食物都攞晒出嚟攤咗好耐，都冇人理過我哋。等咗好耐，啲食物都出晒水，就忍唔住問個侍應，個侍應就走返入廚房問個廚師，個廚師又指住另一位廚師，但都冇向我哋交代返邊個會幫我哋煮。有個廚師啱啱serve完咗隔離枱客，正常佢應該過嚟我哋嗰張台去煮，但係佢冇過到嚟，直接喺佢嗰邊繼續煮，然後全程都冇同我哋講過一句野。佢會煮完一碟，就會叫個侍應攞俾我哋，個侍應都係冇同我哋講過任何野。 但眼見另一邊嘅廚師係有向佢枱客介紹返每一碟食物，所以唔明白點解serve我地果一位廚師會咁特別。最後另一個侍應又上錯湯，後來佢自己發現後補番，佢只係話佢上錯左，講多句唔好意思都無。明白試業中，員工未適應可以體諒。但禮貌欠奉，是這間餐廳最大的問題。食咁多次鐵板燒，廚師都會同客人有所交流，但呢間餐廳完全沒有氣氛可言，$780一位除了講求食物質素之外，有時廚師嘅add on ,員工服務態度都好緊要。食物上，真的沒有什麼特別，但員工們的表現，就令成餐飯都不太愉快。仲有，冇人嘅枱，擺咗啲濕紙巾。我哋坐嘅枱，就一張紙巾都冇擺。